വെമ്പായം: വെമ്പായം ഗ്രാമ പഞ്ചായത്ത് ഭരണം എൽഡിഎഫിന്. ചാത്തൻപാട് വാർഡംഗം അമിത ബാബു പ്രസിഡൻ്റായി തെരഞ്ഞെടുക്കപ്പെട്ടു. വട്ടപ്പാറ വാർഡംഗം കോൺഗ്രസ് നേതാവ് കണക്കോട് ഭുവനചന്ദ്രന്റെ വോട്ട് അസാധുവായി. എൽഡിഎഫിനും യുഡിഎഫിനും 8 അംഗങ്ങൾ വീതമായിരുന്നു ഉണ്ടായിരുന്നത്. നറുക്കെടുപ്പിൽ പ്രസിഡന്റ് സ്ഥാനം നിർണയിക്കേണ്ടിയിരുന്ന പഞ്ചായത്തിൽ കോൺഗ്രസ് സംഘത്തിൻറെ വോട്ട് അസാധുവായതോടുകൂടി എൽഡിഎഫ് പ്രസിഡൻ്റായി തിരഞ്ഞെടുക്കപെടുകയായിരുന്നു. ബിജെപി അംഗങ്ങൾ വോട്ടെടുപ്പിൽ നിന്നും വിട്ടു നിന്നു. എസ്ഡിപിഐ അംഗങ്ങളുടെ വോട്ട് അസാധുവായി.
