കായംകുളം: ആലപ്പുഴ എരമല്ലൂരിൽ നടന്ന എക്സൈസ് പരിശോധനയിൽ കഞ്ചാവും മെത്താംഫിറ്റമിനുമായി യുവാവ് പിടിയിലായി. എഴുപുന്ന സ്വദേശി അർജുൻ.കെ.രമേശ്(27) ആൺ അറസ്റ്റിലായത്. ഇയാളുടെ പക്കലുണ്ടായിരുന്ന 3.22 ഗ്രാം മെത്താംഫിറ്റമിനും കഞ്ചാവും എക്സൈസ് സംഘം പിടിച്ചെടുത്തു. രഹസ്യ വിവരത്തിന്‍റെ അടിസ്ഥാനത്തിൽ നടത്തിയ പരിശോധനയിലാണ് ലഹരി വസ്തുക്കളുമായി അർജുൻ കുടുങ്ങിയത്.
കുത്തിയതോട് റെയിഞ്ച് എക്സൈസ് ഇൻസ്പെക്ടർ ഗിരീഷ്.പി.സി യുടെ നേതൃത്വത്തിൽ നടന്ന റെയ്ഡിൽ അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്) ജഗദീശൻ.പി, സിവിൽ എക്സൈസ് ഓഫീസർമാരായ വിഷ്ണുദാസ്, അമൽ.കെ.പി, വിപിൻ.വി.കെ, സജേഷ്, വനിതാ സിവിൽ എക്സൈസ് ഓഫീസർമാരായ വിധു, അനിത, പ്രിവന്റീവ് ഓഫീസർ ഡ്രൈവർ സന്തോഷ് തുടങ്ങിയവരും പങ്കെടുത്തു.
മറ്റൊരു സംഭവത്തിൽ തൃശൂർ കണ്ണംകുളങ്ങരയിൽ കഞ്ചാവുമായി യുവാവ് പിടിയിലായി. 3.5 കിലോഗ്രാം കഞ്ചാവുമായി ഒഡീഷ സ്വദേശിയായ മണി നായക്(33) ആൺ പിടിയിലായത്. തൃശ്ശൂർ എക്സൈസ് റേഞ്ച് ഓഫീസിലെ എക്സൈസ് ഇൻസ്പെക്ടറായ സുധീർ.കെ.കെ യും പാർട്ടിയും ചേർന്നാണ് ഇയാളുടെ പക്കൽ നിന്നും കഞ്ചാവ് പിടികൂടിയത് അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്)മാരായ ഉമ്മർ, ഗിരീഷ്.കെ.എസ്, പ്രിവന്റീവ് ഓഫീസർ രഞ്ജിത്ത്.ടി.ജെ, പ്രിവന്റീവ് ഓഫീസർ(ഗ്രേഡ്)മാരായ മുജീബ് റഹ്മാൻ, ലത്തീഫ്, സിവിൽ എക്സൈസ് ഓഫീസർമാരായ അനൂപ് ദാസ്.പി.ആർ, ഷാജിത്.എൻ.ആർ തുടങ്ങിയവരും പരിശോധനയുടെ ഭാഗമായിരുന്നു.
