കേരള തീരത്ത് ശക്തമായ പടിഞ്ഞാറന് കാറ്റ്; അടുത്ത 24 മണിക്കൂറിനുള്ളില് കേരളത്തില് കാലവര്ഷം എത്തിച്ചേരാന് സാധ്യത
തിരുവനന്തപുരം: സംസ്ഥാനത്ത് അടുത്ത 24 മണിക്കൂറിനുള്ളിൽ കാലവര്ഷം എത്തിച്ചേരാന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ശക്തമായ പടിഞ്ഞാറന് കാറ്റ് കേരള തീരത്ത് നിലനില്ക്കുന്നുണ്ട്. ഈ സഹാചര്യത്തിൽ അടുത്ത ഏഴ് ദിവസം വ്യാപകമായി ഇടി, മിന്നല്, കാറ്റ് എന്നിവയോട് കൂടിയ ഇടത്തരം മഴക്ക് സാധ്യതയുണ്ട്. ഒറ്റപെട്ട സ്ഥലങ്ങളില് ബുധനാഴ്ച അതി ശക്തമായ മഴക്കും മെയ് 29 മുതല് ജൂണ് രണ്ടു വരെ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
