ഡ്രൈവിങ് സ്കൂള് വാഹനങ്ങള് ടെസ്റ്റിന് വിട്ടുനല്കാതെ പ്രതിഷേധം; സ്വന്തം വാഹനങ്ങള് ഇനി ഉപയോഗിക്കാമെന്ന് മോട്ടോര് വാഹനവകുപ്പ്
തിരുവനന്തപുരം: ഡ്രൈവിങ് ലൈസന്സ് ടെസ്റ്റിന് സ്വന്തം വാഹനങ്ങള് ഉപയോഗിക്കാമെന്ന നിര്ദേശവുമായി മോട്ടോര് വാഹനവകുപ്പ്. ടെസ്റ്റിനായി ഉപയോഗിക്കുന്ന വാഹനങ്ങളുടെ കൃത്യമായ രേഖകള് കൈവശമുണ്ടായിരിക്കണമെന്നുള്ള നിര്ദേശം മാത്രമാണ് വകുപ്പ് നല്കിയിട്ടുള്ളത്. ടെസ്റ്റിങ് കേന്ദ്രങ്ങള്ക്ക് പോലീസ് സുരക്ഷയും ഏര്പ്പെടുത്തിയിട്ടുണ്ട്. ഡ്രൈവിങ് ലൈസന്സ് ടെസ്റ്റ് പരിഷ്കരണത്തിനെതിരേ ഡ്രൈവിങ്ങ് സ്കൂള് ഉടമകളും ജീവനക്കാരും പ്രതിഷേധിക്കുന്ന സാഹചര്യത്തില് ആണ് പുതിയ നിർദേശം. ലൈസന്സ് ടെസ്റ്റില് മാറ്റം വരുത്തി മോട്ടോര് വാഹനവകുപ്പ് പുറത്തിറക്കിയ സര്ക്കുലര് പൂര്ണമായും പിന്വലിക്കണമെന്നാവശ്യപ്പെട്ടാണ് പ്രതിഷേധം നടത്തുന്നത്. പ്രതിഷേധം കനത്തതിനെ തുടര്ന്ന് ചൊവ്വാഴ്ചയും ഡ്രൈവിങ്…
