തിരുവനന്തപുരം: ഭാസ്കര കാരണവര് വധക്കേസില് ജീവപര്യന്തം തടവിന് ശിക്ഷിക്കപ്പെട്ട ഒന്നാം പ്രതി ഷെറിന്റെ ശിക്ഷയില് ഇളവ് നല്കാന് മന്ത്രിസഭ യോഗം തീരുമാനിച്ചു. ശിക്ഷാ കാലയളവ് 14 വര്ഷം പൂര്ത്തിയാക്കിയ സാഹചര്യത്തിലാണ് തീരുമാനം. 2009 നവംബര് ഏഴിനാണു ഷെറിന്റെ ഭര്ത്തൃപിതാവ് ഭാസ്കര കാരണവര് കൊല്ലപ്പെട്ടത്.
ശിക്ഷയില് ഇളവ് നല്കണമെന്നാവശ്യപ്പെട്ട് ഷെറിന് നേരത്തെ നല്കിയ അപേക്ഷ കൂടി പരിഗണിച്ചാണ് മന്ത്രിസഭാ തീരുമാനം. സാധാരണനിലയില് കാലാവധി പൂര്ത്തിയായവരെ പലകാരണങ്ങള് പരിഗണിച്ചും ജയില് ഉപദേശകസമിതിയുടെ നിര്ദേശങ്ങളുടെ അടിസ്ഥാനത്തിലും ഇളവ് നല്കാന് സര്ക്കാര് തീരുമാനമെടുക്കാറുണ്ട്. അത്തരമൊരു മാനുഷിക പരിഗണന വച്ചാണ് ഷെറിന് ഇളവ് നല്കാനുള്ള മന്ത്രിസഭായോഗത്തിന്റെ തീരുമാനം
