മൂന്നാം മോദി സർക്കാരിൻ്റെ രണ്ടാം ബജറ്റിനെതിരെ പരിഹാസവുമായി ലോക്സഭാ പ്രതിപക്ഷ നേതാവ് രാഹുൽ ഗാന്ധി. ബുള്ളറ്റ് കൊണ്ടുള്ള മുറിവുകൾക്ക് ബാൻഡ് എയ്ഡ് കൊണ്ടുള്ള പരിഹാരമാണ് ധനമന്ത്രി നിർമല സീതാരാമൻ അവതരിപ്പിച്ച ബജറ്റ് എന്നായിരുന്നു രാഹുൽ ഗാന്ധിയുടെ പരിഹാസം. രാഹുൽ ഗാന്ധിയുടെ ബജറ്റ് അവതരണത്തിന് ശേഷമുള്ള പ്രതികരണം.
”ബുള്ളറ്റു കൊണ്ടുള്ള മുറിവുകൾക്ക് ബാൻഡ് എയ്ഡ് പരിഹാരം. ആഗോള അനിശ്ചിതത്വത്തിനിടയിൽ, നമ്മുടെ സാമ്പത്തിക പ്രതിസന്ധി പരിഹരിക്കുന്നതിന് ഒരു മാതൃകാപരമായ മാറ്റം ആവശ്യമാണ്. എന്നാൽ ഈ സർക്കാർ ആശയ പാപ്പരത്തമാണ് നേരിടുന്നത്.” എന്ന് രാഹുൽ ഗാന്ധി എക്സിൽ കുറിച്ചു.
സാമ്പത്തിക പ്രതിസന്ധി പരിഹരിക്കുന്നതിൽ കാര്യമായ മാറ്റം ആവശ്യമാണ് എന്നാൽ ഇത് പരിഹരിക്കുന്നതിന് ആവശ്യമായ നൂതനമായ ആശയങ്ങൾ സർക്കാരിന് ഇല്ലെന്നും രാഹുൽ ഗാന്ധി ആരോപിച്ചു.
