കൊച്ചി: പതിനഞ്ചു വർഷത്തെ പ്രണയത്തിനൊടുവിൽ നടി അഭിനയ വിവാഹിതയാകുന്നു. ഇൻസ്റ്റഗ്രാമിലിട്ട പോസ്റ്റിലൂടെ അഭിനയ തന്നെയാണ് വിവാഹം നിശ്ചയിച്ച കാര്യം അറിയിച്ചത്. ബാല്യകാലം മുതൽ പരിചയമുള്ള സുഹൃത്തിനെയാണ് അഭിനയ വിവാഹം കഴിക്കുന്നത്. പതിനഞ്ച് വർഷത്തെ സൗഹൃദമാണ് ഇപ്പോൾ താലികെട്ടിലേക്ക് എത്തുന്നത്.
അമ്പല മണി അടിക്കുന്ന ഇരുവരുടെയും കൈകളാണ് അഭിനയം പങ്കുവച്ചിരിക്കുന്നത്. എല്ലാവരുടെയും അനുഗ്രഹം പ്രതീക്ഷിക്കുന്നുവെന്ന് നടി ഇൻസ്റ്റഗ്രാം പോസ്റ്റിൽ പറയുന്നു.
ജന്മന സംസാര ശേഷിയും കേൾവി ശക്തിയും ഇല്ലാത്ത അഭിനയം ഈ പരിമിതികളെ മറികടന്നാണ് തെന്നിന്ത്യൻ ഭാഷകളിലെ വിവിധ ചിത്രങ്ങളിൽ തനിയെ അറിയിച്ചത്. തമിഴിൽ സമുദ്രക്കനി സംവിധാനം ചെയ്ത നാടോടികളാണ് അഭിനയുടെ ആദ്യ ചിത്രം. ഇതുവരെ 58 ചിത്രങ്ങളിൽ അഭിനയിച്ചിട്ടുണ്ട്. ഒരു നർത്തകി കൂടിയാണ് അഭിനയം.
മലയാളത്തിൽ ജോജു ജോർജ്ജ് സംവിധാനം ചെയ്ത് പ്രധാന വേഷത്തിൽ എത്തിയ പണി എന്ന ചിത്രത്തിലാണ് അവസാനം അഭിനയിച്ചത്. ഈ ചിത്രത്തിൻ്റെ പ്രമോഷനിടെ തനിക്ക് ഒരു ബോയ് ഫ്രണ്ട് ഉണ്ടെന്നും പതിനഞ്ച് കൊല്ലമായി നീളുന്ന ബന്ധമാണെന്ന് അഭിനയം പറഞ്ഞിരുന്നു.
