കൊച്ചി: താര സംഘടനയായ എഎംഎംഎ പൊതുയോഗം ഇന്ന് നടക്കും. എഎംഎംഎ മുപ്പത്തൊന്നാമത് ജനറൽബോഡി യോഗമാണ് ഇന്ന് കൊച്ചിയിലെ കലൂർ ഗോകുലം കൺവെൻഷൻ സെന്ററിൽ നടക്കുക. സംഘടനയുടെ പുതിയ നേതൃത്വത്തെയും ഇന്ന് തെരഞ്ഞെടുക്കും. ഷൂട്ടിംഗ് സെറ്റുകളിലെ ലഹരി ഉപയോഗത്തിനെതിരെ എടുക്കേണ്ട തീരുമാനങ്ങളും ഇന്ന് നടക്കുന്ന ജനറൽ ബോഡിയിൽ ചർച്ച ചെയ്യും.
അതേസമയം, താരസംഘടനയുടെ നേതൃത്വത്തിൽ കാതലായ മാറ്റങ്ങളൊന്നും ഉണ്ടാകില്ലെന്നാണ് റിപ്പോർട്ട്. വോട്ടെടുപ്പ് ഒഴിവാക്കി നിലവിൽ അഡ്ഹോക്ക് കമ്മറ്റിയായി പ്രവൃത്തിക്കുന്ന ടീം തന്നെ തുടരാനാണ് സാധ്യത. പ്രസിഡന്റ്‌ സ്ഥാനത്ത് മോഹൻലാൽ തന്നെ തുടരും. ജനറൽ സെക്രട്ടറി സ്ഥാനത്തേക്ക് നിലവിലെ ജോയിൻ സെക്രട്ടറി ബാബുരാജിനെ നിയമിക്കുന്നതിൽ ഇന്ന് ജനറൽ ബോഡി യോഗത്തിൽ ചർച്ച നടക്കും. ഉണ്ണി മുകുന്ദന്റെ ഒഴിവിൽ ട്രഷറർ സ്ഥാനത്തേക്കും പുതിയ താരം വരും.
