കെ സുധാകരന് നിയമസഭാ സീറ്റ് നൽകുന്നതിനെ എതിർത്ത് കണ്ണൂർ നിയോജക മണ്ഡലം യോഗത്തിൽ അഭിപ്രായം. സുധാകരൻ ജയിച്ചാൽ ലോക്സഭയിലേക്ക് ഉണ്ടാകുന്ന ഉപതെരഞ്ഞെടുപ്പ് നേരിടാൻ പറ്റില്ലെന്ന് ഭാരവാഹികൾ വ്യക്തമാക്കി. 10 മണ്ഡലം കമ്മിറ്റികളും യോഗത്തിൽ സുധാകരന് സീറ്റ് നൽകുന്നതിനെ എതിർത്തു. സുധാകരന്റെ അനാരോഗ്യവും യോഗത്തിൽ ചർച്ചയായി. തീരുമാനം നേതൃത്വത്തെ അറിയിക്കും. ഇതുവരെയും സ്ഥാനാർത്ഥി പ്രഖ്യാപനം ഉണ്ടായിട്ടില്ല. കെ സുധാകരൻ ഡൽഹിയിൽ തുടരുകയാണ്.
