തിരുവനന്തപുരം: സംയുക്ത ട്രേഡ് യൂണിയനുകൾ പ്രഖ്യാപിച്ച ദേശീയ പണിമുടക്കിന്റെ പശ്ചാത്തലത്തിൽ, കെഎസ്ആർടിസി ജീവനക്കാർക്ക് ഡയസ് നോൺ പ്രഖ്യാപിച്ചു. പണിമുടക്ക് ദിവസം ജോലിക്ക് ഹാജരാകാത്ത ജീവനക്കാരുടെ ശമ്പളം പിടിച്ചെടുക്കുമെന്നും, ജൂലൈ മാസത്തിലെ ശമ്പളത്തിൽ നിന്ന് ഈ തുക ഈടാക്കുമെന്നും കെഎസ്ആർടിസി പുറത്തിറക്കിയ ഉത്തരവിൽ വ്യക്തമാക്കുന്നു. പണിമുടക്ക് ദിനത്തിൽ യാത്രാസൗകര്യം ഉറപ്പാക്കുന്നതിനും പൊതുജനങ്ങൾക്ക് ബുദ്ധിമുട്ടുണ്ടാകാതിരിക്കുന്നതിനും വേണ്ടിയാണ് കെഎസ്ആർടിസി ഈ നടപടികൾ സ്വീകരിച്ചിരിക്കുന്നത്. പണിമുടക്കിനെ നേരിടാൻ പത്ത് ഇന നിർദ്ദേശങ്ങളടങ്ങിയ മെമ്മോറാണ്ടവും കെഎസ്ആർടിസി പുറത്തിറക്കിയിട്ടുണ്ട്. ജീവനക്കാർ നിർബന്ധമായും ജോലിക്ക് ഹാജരാകണമെന്നും, അല്ലാത്തപക്ഷം…