എടപ്പാൾ: കാറിന്റെ ഹോൺ മുഴക്കിയതിന് യാത്രക്കാരനു നേരെ മർദനം. മലപ്പുറം എടപ്പാളിലായിരുന്നു സംഭവം. മർദനത്തിൽ പാലക്കാട് തൃത്താല സ്വദേശി ഇർഷാദിന് പരിക്കേറ്റു. ഇക്കഴിഞ്ഞ ദിവസം വൈകുന്നേരമായിരുന്നു സംഭവം. എടപ്പാളിൽ നിന്ന് കല്ലുംപുറത്തേക്ക് പോകുന്ന വഴിക്കാണ് ഇർഷാദിന് നേരെ മർദനമുണ്ടായത്. സംഭവത്തിൽ ചങ്ങരംകുളം സ്വദേശി സുമേഷിനെ പോലീസ് പിടികൂടി. ഇയാൾക്കെതിരെ കേസെടുത്തു. പ്രതി മുൻപ് കഞ്ചാവ് കേസിൽ പിടിയിലായ ആളാണെന്ന് പോലീസ് പറഞ്ഞു. ഇയാൾ ഇർഷാദിന്റെ വാഹനത്തെ പിന്തുടരുന്നതിന്റെയും ആക്രമിക്കാൻ ശ്രമിക്കുന്നതിന്റെയും സിസിടിവി ദൃശ്യങ്ങളും ലഭ്യമായിട്ടുണ്ട്.

ആലപ്പുഴ: പെൺസുഹൃത്തിന് ഇൻസ്റ്റാഗ്രാമിൽ മെസ്സേജ് അയച്ചതിൻ്റെ പേരിൽ യുവാവിനെ തട്ടിക്കൊണ്ടുപോയി മർദിച്ചതായി പരാതി. ആലപ്പുഴ അരൂക്കുറ്റിയിലായിരുന്നു സംഭവം. ആക്രമണത്തിൽ പരിക്കേറ്റ അരുക്കുറ്റി സ്വദേശി ജിബിനെ ആലപ്പുഴ വണ്ടാനം മെഡി. കോളേജിൽ പ്രവേശിപ്പിച്ചു. യുവാവിനെ ആക്രമിച്ച നിരവധി കേസുകളിൽ പ്രതിയായ പ്രഭജിത്ത് കൂട്ടാളി സിന്തൽ ആണെന്ന് ജിബിൻ്റെ സഹോദരൻ പറഞ്ഞു. പ്രഭജിത്തിൻ്റെ പെൺ സുഹൃത്തിന് ജിബിൻ ഇൻസ്റ്റാഗ്രാമിൽ ഹാലോ എന്ന് സന്ദേശമയച്ചതിൻ്റെ പേരിലായിരുന്നു മർദനം. ആക്രമണത്തെത്തുടർന്ന് ജിബിൻ്റെ വാരിയെല്ല് ഒടിയുകയും ശ്വാസകോശത്തിന് ക്ഷതമേൽക്കുകയും ചെയ്തു. കൂടാതെ യുവാവിൻ്റെ നട്ടെല്ലിനും…