ഇന്നത്തെ ഇന്ത്യയുടെ രാഷ്ട്രീയ നേർകാഴ്ച‌യിലേക്ക് വിരൽചൂണ്ടുന്ന എമ്പുരാന്റെ പ്രമേയത്തിൽ കലുഷിതരായി RSS പ്രവർത്തകർ. ലസിത പാലക്കൽ, ശശികല തുടങ്ങി മുതിർന്ന RSS നേതാവ് ജെ നന്ദകുമാർ അടക്കം നിരവധി പ്രവർത്തകരാണ് ചിത്രത്തിനെതിരെ രംഗത്തെത്തിയിരിക്കുന്നത്. ചിത്രം കാണരുതെന്നും ബഹിഷ്‌കരിക്കണമെന്നും ഇവർ ആഹ്വാനം ചെയ്തു. പൃഥ്വിരാജിനെതിരെയും രൂക്ഷമായ ഭാഷയിൽ അധിക്ഷേപ പരാമർശങ്ങൾ ഉയരുന്നുണ്ട്

മലയാളികൾ പ്രതീക്ഷയോടെ കാത്തിരുന്ന സിനിമയായിരുന്നു മോഹൻലാൽ പൃഥ്വിരാജ് കൂട്ടുക്കെട്ടിന്റെ എമ്പുരാൻ. സിനിമ ഇപ്പോൾ തിയേറ്ററുകളിൽ പ്രദർശനം ആരംഭിച്ചിരിക്കുകയാണ്. ആദ്യ ഷോ കഴിഞ്ഞു മണിക്കൂറുകൾ പൂർത്തിയാകും മുന്നേ ചിത്രത്തിന്റെ വ്യാജ പതിപ്പുകൾ പ്രചരിക്കുന്നതായി റിപ്പോർട്ട്. ടെലിഗ്രാം ഗ്രൂപ്പുകളിലും വിവിധ വെബ്‌സൈറ്റുകളിലുമാണ് വ്യാജ പതിപ്പ് പ്രചരിക്കുന്നതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. ഫില്മിസില്ല, മൂവിറൂള്‍സ്, തമിഴ്‌റോക്കേഴ്‌സ് എന്നീ വെബ്‌സൈറ്റുകള്‍ക്ക് പുറമേ ടെലഗ്രാം ആപ്പിലും വ്യാജപതിപ്പ് പ്രചരിക്കുന്നുണ്ടെന്നാണ് റിപ്പോർട്ടിൽ പറയുന്നത്. വ്യാജ പതിപ്പുകൾ പ്രചരിപ്പിക്കുന്നതിനെതിരെ കഴിഞ്ഞ ദിവസം പൃഥ്വിരാജ് തന്നെ രംഗത്തെത്തിയിരുന്നു….