കാസര്‍കോട്: കയ്യൂരില്‍ സൂര്യാഘാതമേറ്റ് 92 വയസ്സുകാരന്‍ മരിച്ചു. കയ്യൂര്‍ മുഴക്കോം വലിയപൊയിലില്‍ കണ്ണന്‍ ആണ് മരിച്ചത്. വീട്ടുമുറ്റത്തുവെച്ചാണ് സൂര്യാഘാതമേറ്റത്. ആശുപത്രിയില്‍ എത്തിക്കുന്നതിന് മുമ്പുതന്നെ മരണം സംഭവിച്ചു. മൃതദേഹം ചെറുവത്തൂര്‍ കെ.എ.എച്ച്. ആശുപത്രിയില്‍ സൂക്ഷിച്ചിരിക്കുകയാണ്.

കൊല്ലം: സിപിഎം സംസ്ഥാന സമ്മേളന വേദിയില്‍ എത്താതിരുന്നത് ജോലി സംബന്ധമായ കാര്യത്തിന് പോയതിനാലാണെന്ന് നടനും കൊല്ലം എംഎല്‍എയുമായ മുകേഷ്. സംസ്ഥാന സമ്മേളനം പ്രതിനിധികള്‍ക്കായാണ്. താന്‍ പ്രതിനിധിയില്ലെന്ന് മുകേഷ് പറഞ്ഞു. കരുതലിന് നന്ദിയെന്ന് മുകേഷ് മാധ്യമങ്ങളോടു പറഞ്ഞു. സമ്മേളന സ്ഥലത്ത് പാര്‍ട്ടി എംഎല്‍എയെ കാണാതിരുന്നത് വാര്‍ത്തകളില്‍ ഇടം പിടിച്ചിരുന്നു മുകേഷ് ഇവിടെ തന്നെ ഉണ്ട്. രണ്ട് ദിവസം ഇവിടെ ഇല്ലായിരുന്നു. പറഞ്ഞിട്ടാണ് പോയത്. ജോലി സംബന്ധമായ കാര്യത്തിനാണ് പോയത്. നിയമസഭ ഇല്ലാത്ത സമയം നോക്കി ജോലിയുമായി ബന്ധപ്പെട്ടുള്ള യാത്രയിലായിരുന്നു….