Local

വെമ്പായം:പത്തനാപുരം ഗാന്ധിഭവന്റെ വെമ്പായം ശാഖയിൽ ഗാന്ധിഭവൻ സ്നേഹദീപത്തിന്റെ വികസന സമിതി യോഗം നടന്നു. സി ഇ.ഒ വിൻസന്റ് ഡാനിയേലിന്റെ അധ്യക്ഷതയിൽ പത്തനാപുരം ഗാന്ധിഭവൻ ഡയറക്ടർ ഡോക്ടർ പുനലൂർ സോമരാജൻ ഉദ്ഘാടനം ചെയ്തു. വെമ്പായം ഗ്രാമപഞ്ചായത്ത് പ്രസിഡന്റ് ബീന ജയൻ ആശംസ പ്രസംഗം നടത്തി.ബ്ലോക്ക് പഞ്ചായത്ത് അംഗം ബീന അജിത്ത്,വെമ്പായം ഗ്രാമപഞ്ചായത്ത് അംഗങ്ങളായ സതീശൻ, സന്തോഷ്, വെൽഫെയർ ഓഫീസർ വിഷ്ണുപ്രിയ, പ്രിയ ജയചന്ദ്രൻതുടങ്ങിയവർ സംസാരിച്ചു. പുതിയ വികസന സമിതിയെയും തിരഞ്ഞെടുത്തു.

തിരുവനന്തപുരം: 22കാരിയെ ഭർത്താവിന്റെ വീട്ടിൽ മരിച്ച നിലയിൽ കണ്ടെത്തി. തിരുവനന്തപുരം പനവൂർ പനയമുട്ടത്താണ് സംഭവം. അഭിരാമി (പാറു) എന്ന യുവതിയെയാണ് വീടിന് പുറത്തെ ഗോവണിയിലെ ഇരുമ്പ് കമ്പിയിൽ തൂങ്ങിമരിച്ച നിലയിൽ കണ്ടെത്തിയത്. യുവതിയുടെ മരണം കൊലപാതകമാണോയെന്ന് സംശയിക്കുന്നതായി പൊലീസ് പറഞ്ഞു. ശരത് (അയ്യപ്പൻ-30) ആണ് അഭിരാമിയുടെ ഭർത്താവ്. രണ്ടരവർഷം മുൻപായിരുന്നു ഇരുവരുടെയും വിവാഹം. ഇവർക്ക് ഒന്നരവയസ് പ്രായമുള്ല മകനുണ്ട്. അഭിരാമിയും ഭർത്താവും തമ്മിൽ നിരന്തരം കലം ഉണ്ടായിരുന്നതായി നാട്ടുകാർ പറയുന്നു.

വെമ്പായം:പരുന്ത് റാഞ്ചിയ കടന്നൽക്കൂട് ദേഹത്തേക്ക് വീണു ആറ് തൊഴിലാളികൾക്ക് കടന്നൽ കുത്തേറ്റു. വെമ്പായം ചാത്തൻപാട്ട് ഇന്ന് രാവിലെയാണ് സംഭവം. വീടിൻ്റെ പണി സാധനങ്ങൾ ഇറക്കുന്നതിനിടയിൽ ലോഡിങ് തൊഴിലാളികൾക്കാണ് കടന്നൽകുത്തേറ്റത് .വീടിൻ്റെ പണി സാധനങ്ങൾ ഇറക്കുകയായിരുന്ന ലോഡിങ് തൊഴിലാളികൾക്ക് മേൽ അടുത്തുള്ള മരത്തിൽ ഉണ്ടായിരുന്ന കടന്നൽക്കൂട് പരുന്ത് റാഞ്ചിയത് ഇളകി ദേഹത്തേക്ക് വീണതാണ് അപകടത്തിന് കാരണമായത്. തൊഴിലാളികൾ ഓടി രക്ഷപ്പെടാൻ ശ്രമിച്ചെങ്കിലും കടന്നൽ കൂട്ടം പിന്നാലെ പാഞ്ഞ് ആക്രമിക്കുകയായിരുന്നു .ആറുപേർക്ക് ഗുരുതരമായി കുത്തേറ്റു . ഇവരെ കന്യാകുളങ്ങര പ്രാഥമിക…