പീഡനക്കേസിൽ ജാമ്യത്തിലിറങ്ങിയത് രണ്ടാഴ്ച മുന്പ്; വീണ്ടും അതേ പെണ്കുട്ടിയെ പീഡിപ്പിക്കാൻ ശ്രമം; യുവാവ് അറസ്റ്റിൽ
ആലപ്പുഴ: പീഡനക്കേസിൽ ജാമ്യത്തിലിറങ്ങിയ പ്രതി വീണ്ടും പീഡന കേസിൽ അറസ്റ്റിൽ. വള്ളികുന്നം എണ്ണമ്പിശ്ശേരില് സലിം (32) ആണ് അറസ്റ്റിലായത്. പ്രായപൂര്ത്തിയാകാത്ത പെണ്കുട്ടിയെ വിവാഹവാഗ്ദാനം നല്കി പീഡിപ്പിച്ച കേസില് കഴിഞ്ഞ സെപ്റ്റംബറില് ഇയാളെ വള്ളികുന്നം പോലീസ് അറസ്റ്റുചെയ്ത് കോടതിയില് ഹാജരാക്കി റിമാന്ഡുചെയ്തിരുന്നു. ജയിലിലായിരുന്ന ഇയാള് രണ്ടാഴ്ച മുന്പ് ജാമ്യത്തിലിറങ്ങി ഇതേ പെണ്കുട്ടിയെ നിരന്തരം ശല്യപ്പെടുത്തുകയും പീഡിപ്പിക്കാന് ശ്രമിക്കുകയും ചെയ്ത കേസിലാണ് വീണ്ടും അറസ്റ്റുചെയ്തത്. ഇയാള് ഒട്ടധികം ക്രിമിനല്ക്കേസുകളില് പ്രതിയാണെന്നു പോലീസ് പറഞ്ഞു. പ്രതിയെ കായംകുളം കോടതിയില് ഹാജരാക്കി റിമാന്ഡുചെയ്തു.
