News

തലശേരി: ചൊക്ലി പുല്ലൂക്കരയിലെ ഭര്‍തൃമതിയായ യുവതിയെ ഭര്‍തൃവീട്ടിലെ കിണറ്റില്‍ വീണു മരിച്ച നിലയില്‍ കണ്ടെത്തിയ സംഭവത്തില്‍ ചൊക്ലി പൊലിസ് അസ്വാഭാവിക മരണത്തിന് കേസെടുത്തു.യുവതിയുടെ മരണത്തില്‍ ദുരൂഹതയുണ്ടെന്ന് ആരോപിച്ച് ബന്ധുക്കള്‍ നല്‍കിയ പരാതിയിലാണ് പൊലീസ് കേസെടുത്ത് അന്വേഷണമാരംഭിച്ചത്. പുല്ലൂക്കര കാരപൊയിലിലെ പുത്തലത്ത് വീട്ടില്‍ റയീസിന്റെ ഭാര്യ പെട്ടിപ്പാലം ആശാരി പുളിക്കല്‍ വീട്ടില്‍ ഷഫ്‌നയെ(26) ആണ് കഴിഞ്ഞ ദിവസം പുലര്‍ച്ചെ കിണറ്റില്‍ വീണ് മരിച്ച നിലയില്‍ കണ്ടെത്തിയത്.യുവതിയുടെ മൃതദേഹം കണ്ടെത്തിയ കിണറിനോട് ചേര്‍ന്നുള്ള കുളിമുറിയില്‍ നിന്നും രക്തം പുരണ്ട കത്തി…

കണിയാമ്പറ്റ:തെങ്ങിൽനിന്ന് വീണു മരിച്ചു. ഇടക്കൊമ്പം വട്ടമറ്റത്തിൽ സാബു പോളാണ് (54) മരിച്ചത്. ചൊവ്വാഴ്ച രാവിലെ അയൽവീട്ടിൽ യന്ത്രം ഉപയോഗിച്ച് തെങ്ങിൽ കയറുന്നതിനിടെ വീഴുകയായിരുന്നു.പരിക്കേറ്റ സാബുവിനെ കൈനാട്ടി ജനറൽ ആശുപത്രിയിലെത്തിച്ചെങ്കിലും മരിച്ചു. ഭാര്യ: മോളി. മക്കൾ: ബേസിൽ, ബ്ലസി. സംസ്കാരം ബുധനാഴ്ച കണിയാമ്പറ്റ സെൻറ് ജോർജ് യാക്കോബായ പള്ളി സെമിത്തേരിയിൽ.

കാഞ്ഞങ്ങാട്: ഭാര്യയുടെ തലക്ക് അമ്മിക്കല്ല് കൊണ്ട് ഇടിച്ച് പരിക്കേൽപ്പിക്കുകയും ചൂട് ചായ ദേഹത്ത് ഒഴിച്ച് പൊള്ളിക്കുകയും ചെയ്ത സംഭവത്തിൽ ഭർത്താവിനെതിരെ പൊലീസ് കേസെടുത്തു. രാവണീശ്വരം രാമഗിരിയിലെ കെ.വി. ലീന(42)ക്കുനേരെയാണ് ആക്രമണമുണ്ടായത്. യുവതി നൽകിയ പരാതിയിൽ ഭർത്താവ് ബാലകൃഷ്ണനെതിരെ ഹോസ്ദുർഗ് പൊലീസ് കേസെടുത്തു. കഴിഞ്ഞ ദിവസം രാവിലെ വീട്ടിൽ വെച്ചാണ് സംഭവം. ചെറിയ അമ്മിക്കല്ലെടുത്ത് തലക്കടിക്കുകയും ഗ്യാസ് അടുപ്പിലുണ്ടായിരുന്ന ചൂട് ചായ ദേഹത്ത് ഒഴിച്ചെന്നുമാണ് പരാതി. നിരന്തരം പീഡിപ്പിച്ചിരുന്നതായും പറയുന്നു

കൊട്ടാരക്കര: കാറുകൾ തമ്മിൽ കൂട്ടിയിടിച്ചു നിയന്ത്രണം വിട്ട കാറിനും നടപ്പാതയിലെ കമ്പിയഴിയ്ക്കിടയിലുംപ്പെട്ടു ഞെരുങ്ങി യുവതിക്കു ദാരുണാന്ത്യം. എം സി റോഡിൽ പുലമൺ ജങ്ഷനിൽ ചൊവ്വാഴ്ച രണ്ടരയോടെ ഉണ്ടായ അപകടത്തിൽ നെടുവത്തൂർ പ്ലാമൂട് രഞ്ജിനി ഭവനിൽ ഐ എസ് ശാന്തിനി(33) ആണ് മരിച്ചത്. പുലമൺ എൽഐസി കോംപ്ലക്സിൽ നിന്നും എംസി റോഡിലേക്കിറങ്ങിയ കാറിൽ അടൂർ ഭാഗത്തു നിന്നെത്തിയ ശബരിമല തീർഥാടക രുടെ കാർ ഇടിക്കുകയും ഇടിയേറ്റ കാർ കറങ്ങി നിരങ്ങി നടപ്പാതയോടു ചേർന്നു റോഡരുകിൽ നിൽക്കുകയായിരുന്ന ശാന്തിനിയെ ഇടിക്കുകയുമായിരുന്നു….

കോട്ടയം: വീട്ടുജോലിക്കാരിയുടെ സ്വർണമാല മോഷ്ടിച്ചെന്ന കേസിൽ മൂന്നുപേർ പിടിയിൽ. എറണാകുളം മരട് ആനക്കാട്ടിൽ ആഷിക് ആന്റണി (തക്കു–31), ഭാര്യ നേഹാ രവി (35), എറണാകുളം പെരുമ്പടപ്പ് ഭാഗത്തു വാടകയ്ക്കു താമസിക്കുന്ന ആലപ്പുഴ അരൂർ ഉള്ളാറക്കളം അർജുൻ (22) എന്നിവരെയാണു വെസ്റ്റ് പൊലീസ് അറസ്റ്റ് ചെയ്തത്. കോട്ടയം അയ്മനം സ്വദേശിനിയായ വീട്ടമ്മയാണ് മോഷണത്തിനിരയായത്. ഒക്ടോബർ 16-നായിരുന്നു സംഭവം. വീട്ടമ്മയുടെ വീട്ടിലെത്തിയാണ് മൂന്നംഗ സംഘം മോഷണം നടത്തിയത്. അയ്മനം സ്വദേശിയായ വീട്ടമ്മ ആഷിക് ആന്റണിയുടെ വീട്ടിൽ കുറച്ച് നാളായി വീട്ടു…

കൽപ്പറ്റ: വനവിഭവങ്ങൾ ശേഖരിക്കാൻ പോയ അമ്പതിനാലുകാരനെ കടുവ കടിച്ചു കൊന്നു. ബന്ദിപ്പൂർ ദേശീയ ഉദ്യാനത്തിലെ കണ്ടിക്കരയിൽ താമസിക്കുന്ന ബസവയെ ആണ് കടുവ ആക്രമിച്ചത്. ഇയാളെ കാണാതായതിനെ തുടർന്ന് വനം വകുപ്പ് നടത്തിയ തിരച്ചിലിനൊടുവിൽ വികൃതമാക്കിയ നിലയിലുള്ള മൃതദേഹാവശിഷ്ടങ്ങൾ കണ്ടെത്തി. മൃതദേഹം ഭക്ഷിച്ചതും വികൃതമാക്കിയതുമായ നിലയിലാണ് കണ്ടെത്തിയത്. മേഖലയിൽ ഒരു മാസത്തിനിടെ മനുഷ്യർക്ക് നേരെയുള്ള കടുവയുടെ മൂന്നാമത്തെ ആക്രമണമാണിത്.