News

തിരുവനന്തപുരം: മത്സ്യബന്ധനത്തിനിടെ മത്സ്യതൊഴിലാളിയെ കടലിൽ വീണ് കാണാതായി. അഞ്ചുതെങ്ങ് മുരുക്ക് വിളാകം സ്വദേശി ഷിബു (35)വിനെയാണ് കടലിൽ കാണാതായത്. തമിഴ്നാട് ഇരയിമ്മൻ തുറയിൽ നിന്നും മത്സ്യബന്ധനത്തിന് ഇറങ്ങിയ ബോട്ടിലെ മത്സ്യതൊഴിലാളിയാണ് ഇയാൾ. 29 ന് രാവിലെ ഒൻപതരയോടെ കടലിലേക്ക് വീണ ഇയാളെ രക്ഷിക്കാൻ കൂടെയുണ്ടായിരുന്നവർ ശ്രമിച്ചെങ്കിലും ഫലമുണ്ടായില്ല. വിവരമറിയിച്ചതിനെ തുടർന്ന് മറൈൻ ആംബുലൻസിൽ തിരച്ചിലിനിറങ്ങിയെങ്കിലും ശക്തമായ കാറ്റും കടൽ ക്ഷോഭവും തിരച്ചിലിനെ ബാധിച്ചു. കോവളം ലൈറ്റ് ഹൗസിന് പടിഞ്ഞാറ് മാറി പതിനഞ്ച് നോട്ടിക്കൽ ഉൾക്കടലിലാണ് അപകടമുണ്ടായത്. തമിഴ്നാട്…

കൊച്ചി: കളമശേരിയിലെ പരിപാടിയിൽ നടൻ ജയസൂര്യ നടത്തിയത് ആസൂത്രിത പരാമർശമെന്ന് കൃഷി മന്ത്രി പി.പ്രസാദ്. ഒരു വ്യക്തിയുടെ കാര്യമാണെങ്കിൽ നിവേദനം നൽകാവുന്നതാണ്. എന്നാൽ പൊതുവായ പ്രശ്നമെന്ന രീതിയിലാണ് ജയസൂര്യ പറഞ്ഞത്. കളമശേരിയിൽ നടന്നത് വളരെ ആസൂത്രിതമായ പരാമർശമായിരുന്നു. നല്ല തിരക്കഥയായിരുന്നു. എന്നാൽ യാഥാർഥ്യങ്ങളുടെ മുന്നിൽ അതു പൊളിഞ്ഞു പോയെന്നു മന്ത്രി പറഞ്ഞു. ‘‘ജയസൂര്യ നല്ല അഭിനേതാവാണ്. പക്ഷേ അദ്ദേഹം ഒരു പൊതുവേദിയിൽ പ്രത്യക്ഷപ്പെടുമ്പോൾ ജനങ്ങൾക്കു മുന്നിൽ അഭിനയിക്കാൻ പാടില്ലാത്തതാണ്. അദ്ദേഹത്തിലെ നടനെ ആദരവോടെയാണ് കാണുന്നത്. എന്നാൽ ജനങ്ങളുടെ…

തൃശൂർ :7027 കുടുംബശ്രീ നര്‍ത്തകിമാര്‍ ഒരേ താളത്തില്‍ തിരുവാതിരക്കളിയുടെ ചുവടുകള്‍ തീര്‍ത്തപ്പോള്‍ തൃശൂര്‍ കുട്ടനെല്ലൂര്‍ ഗവ. കോളേജ് ഗ്രൗണ്ടില്‍ പിറന്നത് പുതു ചരിത്രം. ലോകത്തിലെ ഏറ്റവും കൂടുതല്‍ പേര്‍ അണിനിരന്ന തിരുവാതിരക്കളിക്കുള്ള റെക്കോര്‍ഡ് ഇനി തൃശൂരിലെ കുടുംബശ്രീ കലാകാരികള്‍ക്ക് സ്വന്തം. ലിംക ബുക്ക് ഓഫ് റെക്കോര്‍ഡ്‌സ്, ടാലന്റ് റെക്കോര്‍ഡ് ബുക്ക് എന്നിവയിലാണ് മെഗാ തിരുവാതിര ഇടം നേടിയത്. ടൂറിസം വകുപ്പും തൃശൂര്‍ ഡിടിപിസിയും ജില്ലാഭരണകൂടവും കോര്‍പറേഷനും സംയുക്തമായി സംഘടിപ്പിച്ചു വരുന്ന ജില്ലാതല ഓണാഘോഷ പരിപാടിയുടെ ഭാഗമായാണ് ഏഴായിരത്തിലേറെ…

തിരുവനന്തപുരം :പ്രമുഖ ഛായാഗ്രാഹകനും ചലച്ചിത പ്രവർത്തകനുമായ കുളത്തൂർ പുളിമൂട്ടു വിളാകത്ത് വീട്ടിൽ വി അരവിന്ദാക്ഷൻ നായർ (അയ്യപ്പൻ) (72) അന്തരിച്ചു. കേരള ഫിലിം ഡവലപ്മെന്റ് കോർപറേഷനിലെ ചിത്രാഞ്ജലി സ്റ്റുഡിയോയിൽ സീനിയർ ക്യാമറാമാൻ ആയിരുന്നു. സംസ്ഥാന സർക്കാറിന്റെ ഒട്ടേറെ ഡോക്യുമെന്ററികളും സിനിമകളും ചിത്രീകരിച്ചിട്ടുണ്ട്. നൂറനാട് രാമചന്ദ്രന്റെ ‘അച്ഛൻ പട്ടാളം’ (സംസ്ഥാന അവാർഡ് ചിത്രം), ജോർജ് കിത്തു സംവിധാനം ചെയ്ത ‘ശ്രീരാഗം’, കെ എസ് ശശിധരൻ സംവിധാനം ചെയ്ത ‘കാണാതായ പെൺകുട്ടി’, ആലപ്പി അഷറഫിന്റെ ‘ഇണപ്രാവുകൾ’, അനിലിന്റെ ‘പോസ്റ്റ് ബോക്സ്…

കൊച്ചി: കരുവന്നൂര്‍ സഹകരണ ബാങ്ക് തട്ടിപ്പ് കേസില്‍ എ.സി. മൊയ്തീന്‍ ഇന്ന് ചോദ്യം ചെയ്യലിന് ഹാജരാകില്ല. അസൗകര്യം ചൂണ്ടിക്കാട്ടി മൊയ്തീന്‍ ഇഡിക്ക് കഴിഞ്ഞ ദിവസം കത്തു നൽകിയിരുന്നു. മറ്റൊരു ദിവസം ചോദ്യം ചെയ്യലിന് ഹാജരാകാമെന്നും മൊയ്തിന്‍ ഇഡിയെ അറിയിച്ചു. എന്നാൽ മൊയ്തീന് ഇഡി ഉടന്‍ പുതിയ നോട്ടീസ് നല്‍കി. തിങ്കളാഴ്ച്ച 11 മണിക്ക് കൊച്ചി ഓഫീസിൽ ഹാജരാകാനാണ് നിർദ്ദേശം. അതേസമയം തട്ടിപ്പ് കേസിൽ ബിനാമി ഇടപാടുകാരെ ഇന്ന് വീണ്ടും ചോദ്യം ചെയ്യും. മുന്‍ മാനേജര്‍ ബിജു കരീം,…

ചെന്നൈ: ഒടിടി റിലീസിനൊരുങ്ങവെ രജനികാന്ത് ചിത്രം ജയിലറിന്റെ എച്ച്ഡി പ്രിന്റ് ചോർന്നു. ബോക്‌സോഫീസിൽ വമ്പൻ ഹിറ്റായിരുന്ന ചിത്രത്തിന്റെ ഒടിടി റിലീസ് തീയതി കഴിഞ്ഞ ദിവസം പ്രഖ്യാപിച്ചിരുന്നു. ചിത്രം ഒടിടിയിൽ എത്താൻ ദിവസങ്ങൾ മാത്രം ബാക്കിയുള്ളപ്പോഴാണ് പ്രിന്റ് ടെലഗ്രാമിൽ അടക്കം ചിത്രത്തിന്റെ എച്ച്ഡി പ്രിന്റ് പ്രത്യക്ഷപ്പെട്ടിരിക്കുന്നത്. ചിത്രത്തിലെ രംഗങ്ങൾ സമൂഹ മാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. എന്നാൽ ചിത്രത്തിന്റെ പൂർണഭാഗം ഇത്തരത്തിൽ ടെലഗ്രാമിൽപ്രചരിക്കുന്നതിനാൽ ഇത് തിയറ്ററുകളിലെ പ്രദർശനത്തെ ബാധിക്കും. ആഗോളതലത്തിൽ കളക്ഷൻ 500 കോടിയും കടന്ന് കുതിക്കുന്നതിനിടെയാണ് ചിത്രത്തിന്റെ പ്രിന്റ്…

കൊല്ലം: ചിതറ പെട്രോൾ പമ്പിൽ യുവാവിനെ തലയ്ക്കടിച്ച് കൊന്നു. ദർപ്പക്കാട് സ്വദേശി സെയ്ദലി എന്ന ബൈജുവാണ് (34) മരിച്ചത്. സംഭവത്തിൽ നാല് പേരെ പോലീസ് കസ്റ്റഡിയിൽ എടുത്തു. ആറേകാലോടെയായിരുന്നു സംഭവം. മദ്യ ലഹരിയിലായിരുന്നു കൊലപാതകം. പെട്രോൾ അടിക്കാൻ കാറിലെത്തിയതായിരുന്നു ബൈജുവും നാല് സുഹൃത്തുക്കളും. പെട്രോൾ അടിച്ച ശേഷം വാഹനം മാറ്റി ഇവർ തമ്മിൽ വാക്കുതർക്കവും ബഹളവും ഉണ്ടായി. തർക്കത്തിനിടെ തൊട്ടു പിന്നാലെ കാറിൽ നിന്നിറങ്ങിയ രണ്ടു പേർ ബൈജുവിനെ വലിച്ചിറക്കി ഇന്റർലോക് തറയോട് കൊണ്ട് തലയ്ക്കടിച്ച് വീഴുകയായിരുന്നു….