കളിക്കുന്നതിനിടെ വായില് കമ്പു കൊണ്ട് മുറിഞ്ഞു; അനസ്തേഷ്യ നൽകിയതിന് പിന്നാലെ നാലുവയസുകാരന്റെ മരണവും; അസ്വാഭാവിക മരണത്തിന് കേസെടുത്ത് പൊലീസ്
മലപ്പുറം: നാലുവയസുകാരന്റെ മരണത്തിൽ അസ്വാഭാവിക മരണത്തിന് കേസെടുത്ത് കൊണ്ടോട്ടി പൊലീസ്. ചികിത്സ പിഴവ് ആരോപിച്ച് ബന്ധുക്കൾ നൽകിയ പരാതിയിലാണ് കേസെടുത്തിരിക്കുന്നത്. ഇന്നലെയാണ് കൊണ്ടോട്ടി മേഴ്സി ആശുപത്രിയിൽ വച്ച് അരിമ്പ്ര സ്വദേശി നിസാറിന്റെ മകൻ മുഹമ്മദ് ഷാനിൽ മരിച്ചത്. വായിലെ മുറിവ് തുന്നിക്കെട്ടാൻ അനസ്തേഷ്യ നൽകിയതിന് പിന്നാലെയായിരുന്നു മരണം. കളിക്കുന്നതിനിടെ വായില് കമ്പു കൊണ്ട് മുറിഞ്ഞതിനെത്തുടര്ന്നാണ് നാലുവയസുകാരനായ മുഹമ്മദ് ഷാനിലിനെ കൊണ്ടോട്ടി മേഴ്സി ആശുപത്രിയില് പ്രവേശിപ്പിച്ചത്. മുറിവിനു തുന്നലിടാനായി അനസ്തേഷ്യ നല്കണമെന്നായിരുന്നു ഡോക്ടര്മാരുടെ നിര്ദേശം. അനസ്തേഷ്യ നല്കി അല്പ്പസമയത്തിനു…
