Accident

മലപ്പുറം: ടിപ്പറും സ്കൂട്ടറും കൂട്ടിയിടിച്ചുണ്ടായ അപകടത്തിൽ സ്കൂട്ടർ യാത്രികന്റെ കൈ അറ്റുപോയതായി ദൃക്‌സാക്ഷികൾ. ഗുരുതര പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചു. മമ്പാട് എംഇഎസ് കോളേജ് വിദ്യാർഥിയായ എടവണ്ണ കാവനൂർ പന്നിപ്പാറ സ്വദേശി മുഹമ്മദ്‌ ശബാബുദ്ദീൻ എന്നയാൾക്കാണ് ഗുരുതരമായി പരിക്കേറ്റത്. ടിപ്പറുമായുള്ള ഇടിയുടെ ആഘാതത്തിൽ യുവാവിന്റെ സ്കൂട്ടർ പൂർണമായും തകർന്നു. മമ്പാട് പൊങ്ങല്ലൂർ പാലത്തിന് സമീപം കഴിഞ്ഞ ദിവസം വൈകുന്നേരം അഞ്ചരയോടെയായിരുന്നു അപകടം. അപകടം കണ്ട നാട്ടുകാരാണ് യുവാവിന്റെ കൈ അറ്റുപോയ വിവരം അറിയിച്ചത്.

കോഴിക്കോട്: നിയന്ത്രണം വിട്ട കാർ സ്കൂട്ടറിലും ബൈക്കിലുമിടിച്ച് അപകടം. കൊയിലാണ്ടിയിൽ ആറ് പേർക്ക് പരിക്കേറ്റു. കൊല്ലം ചിറയ്ക്ക് സമീപം ഇന്നലെ ഉച്ചയ്ക്ക് ശേഷം മൂന്നരയോടെയാണ് അപകടമുണ്ടായത്. വടകര ഭാഗത്തേക്ക് പോകുകയായിരുന്ന അഹമ്മദും കുടുംബവും സഞ്ചരിച്ചിരുന്ന സ്വിഫ്റ്റ് കാർ ഇതേ ഭാഗത്തേക്ക് കൂടി സഞ്ചരിച്ച വാഹനങ്ങളിലാണ് ഇടിച്ചത്. സ്‌കൂട്ടറിൽ യാത്ര ചെയ്തിരുന്ന വിയ്യൂർ സ്വദേശി ജുബീഷ്, ബൈക്ക് യാത്രക്കാരായ കൂമുള്ളി സ്വദേശി ജയേഷ്, രാജേഷ്, കാർ യാത്രികരായ വടകര കുനിങ്ങാട് സ്വദേശികളായ അഹമ്മദ്, ആയിഷ, മൂസ, അഫ്‌നാൻ എന്നിവർക്കാണ്…

         നെടുമങ്ങാട് : നെടുമങ്ങാട് വാളിക്കോട് വഴിയോര വിശ്രമ കേന്ദ്രത്തിലേക്ക് കെഎസ്ആർടിസി ബസ് ഇടിച്ചു കയറി അപകടം. 4 ടൂവീലറുകൾ പൂർണമായും തകർന്നു. തിരുവനന്തപുരത്ത് നിന്നും വിതുര ഭാഗത്തേക്ക് പോയ ബസാണ് ഇലക്ട്രിക് പോസ്റ്റും 4 ടൂവീലറുകളും ഇടിച്ചു തകർത്തത്. അപകടത്തിൽ ആർക്കും പരിക്കില്ല. ഇന്ന് ഉച്ചയ്ക്ക് രണ്ടരയോടെയാണ് അപകടമുണ്ടായത്. ഇലക്ട്രിക് പോസ്റ്റിന് സമീപത്തായിട്ടാണ് ടൂവീലറുകൾ പാർക്ക് ചെയ്തിരുന്നത്. പോസ്റ്റിലിടിച്ചാണ് ബസ് നിന്നത്. ‍ഡ്രൈവർക്ക് ബിപി കൂടിയതാണ് ബസ്  നിയന്ത്രണം വിടാൻ കാരണമെന്നാണ് പ്രാഥമിക നിഗമനം. ഡ്രൈവറെ…

മലപ്പുറം: കിണറിന്റെ ആൾമറയിൽ സുഹൃത്തുക്കളുമായി സംസാരിച്ചിരിക്കെ കിണറ്റിലേക്ക് വീണു. മധ്യവയസ്കന് പരിക്ക്. നിലമ്പൂർ എടവണ്ണ സ്വദേശി ഇമ്മാനുവലാണ് കിണറ്റിൽ വീണത്. അഗ്നി രക്ഷാസേന എത്തിയാണ് ഇമ്മാനുവലിനെ രക്ഷപ്പെടുത്തിയത്. നിസാര പരിക്കുകളോടെ ഇമ്മാനുവലിനെ നിലമ്പൂർ ഗവ. ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്. ഇന്നലെ രാത്രി 11 മണിയോടെയാണ് ഇമ്മാനുവൽ അബദ്ധത്തിൽ കിണറ്റിലേക്ക് വീണത്.

ബെംഗളൂരു: ബൈക്ക് ഇലക്ട്രിക് പോസ്റ്റിലിടിച്ച് രണ്ട് യുവാക്കൾക്ക് ദാരുണാന്ത്യം. ബംഗുരു നഗരത്തിലായിരുന്നു സംഭവം. യുവാക്കൾ അമിത വേഗത്തിലായിരുന്നു വാഹനമോടിച്ചിരുന്നതെന്ന് റിപ്പോർട്ട്. വ്യാഴാഴ്ച പുലർച്ചെ 4.30ഓടെയായിരുന്നു സംഭവം. അപടകത്തിൽ നീലസാന്ദ്ര സ്വദേശികളായ ഷെയ്ഖ് അസ്ലം ബഷീർ (24), ഷെയ്ഖ് ഷക്കീൽ ബഷീർ (23) ആണ് മരിച്ചത്. ഹോട്ടൽ ബിസിനസ്സ് രംഗത്ത് പ്രവർത്തിക്കുന്നവരായിരുന്നു ഇരുവരും സുഹൃത്തിൻ്റെ കയ്യിൽ നിന്നും കടം വാങ്ങിയ ബൈക്കിൽ സഞ്ചരിക്കവെ ഇടയ്ക്ക് വെച്ച് വാഹനത്തിൻ്റെ നിയന്ത്രണം നഷ്ടപ്പെടുകയും ബൈക്ക് ഇലക്ട്രിക് പോസ്റ്റിലേക്ക് ഇടിച്ചുകയറുകയുമായിരുന്നു. സുഹൃത്തിൻ്റെ വീട്ടിൽ…

കോഴിക്കോട്: കോഴിക്കോട് മുക്കം വെസ്റ്റ് മണാശേരിയില്‍ കെഎസ്ആര്‍ടിസി ബസ് മറിഞ്ഞുണ്ടായ അപകടത്തില്‍ 15 പേര്‍ക്ക് പരിക്കേറ്റു. പരിക്കേറ്റ ഒരു സ്ത്രീയുടെ നില ഗുരുതരമാണ്. കോഴിക്കോട് നിന്ന് കൂമ്പാറയിലേക്ക് പോയ ബസാണ് അപകടത്തില്‍പ്പെട്ടത്. ഇന്നലെ രാത്രി 11.30 ഓടെയായിരുന്നു അപകടം. ബസ് നിയന്ത്രണം വിട്ട് മറിയുകയായിരുന്നു. പരിക്കേറ്റ യാത്രക്കാരെ മുക്കം കെഎംസിടി മെഡിക്കല്‍ കോളജില്‍ പ്രവേശിപ്പിച്ചു. ബസില്‍ 20 ഓളം യാത്രക്കാരുണ്ടായിരുന്നു

മാലോം: നിയന്ത്രണം നഷ്ടമായ റോഡ് റോളർ വീണത് കിണറ്റിലേക്ക്. റോഡ് ടാർ ചെയ്യാൻ കൊണ്ടുവന്ന റോളറാണ് നിയന്ത്രണം നഷ്ടമായി റോഡ് സൈഡിലെ കിണറ്റിൽ വീണത്. കാസർകോട് ജില്ലയിലെ മാലോം ചുള്ളിയിൽ റോഡ് ടാർ ചെയ്യാൻ എത്തിച്ച റോളർ ശനിയാഴ്ച വൈകുന്നേരമാണ് കിണറ്റിലേക്ക് പതിച്ചത്. ചുള്ളി സി. വി. കോളനി റോഡ് പണി പുരോഗമിക്കുന്നതിനിടെയാണ് അപകടം നടന്നത്. അഷ്‌റഫ്‌ എന്നയാളുടെ കിണറിലേക്കാണ് റോളർ നിയന്ത്രണം വിട്ട് മറിഞ്ഞത്. റോളർ ഓടിച്ചിരുന്നയാളെ ആശുപത്രിയിൽ പ്രവേശിപ്പിച്ചിരിക്കുകയാണ്. മാലോത്തു നിന്നും ക്രെയിനെത്തിയാണ് റോളർ…

കണ്ണൂർ: കൂത്തുപറമ്പ് കണ്ടേരിയിൽ മുള്ളൻ പന്നിയുടെ ആക്രമണത്തിൽ പ്ലസ് വൺ വിദ്യാർത്ഥിക്ക് പരിക്ക്. കണ്ടേരി തസ്മീറ മൻസിലിൽ മുഹമ്മദ് ശാദിലിനാണ് (16) പരിക്കേറ്റത്. പുലർച്ചെ അഞ്ച് മണിയോടെ പിതാവ് താജുദീനൊപ്പം സ്കൂട്ടറിൽ പള്ളിയിൽ പോകവേ മുള്ളൻ പന്നി റോഡിന് കുറെ ചാടുകയായിരുന്നു. മുള്ള് കയറി സാരമായി പരിക്കേറ്റ വിദ്യാർത്ഥിയെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചു.

ആലപ്പുഴ: കായംകുളത്ത് വന്ദേഭാരത് തട്ടി ഒമ്പതാം ക്ലാസ് വിദ്യാർത്ഥിനി മരിച്ചു. തെക്കേക്കര വാത്തികുളം ശ്രീലക്ഷ്മി എന്ന ശ്രീക്കുട്ടി (15) ആണ് മരിച്ചത്. കായംകുളം കാക്കാനാടിന് കിഴക്ക് ഹോളി മേരി സ്കൂളിന് സമീപമുള്ള ലെവൽ ക്രോസിലാണ് സംഭവം. മാവേലിക്കര ഗേൾസ് ഹയർ സെക്കൻഡറി സ്കൂളിലെ ഒമ്പതാം ക്ലാസ് വിദ്യാർത്ഥിനിയാണ് മരിച്ച ശ്രീലക്ഷ്മി. ആറുമണിക്ക് ട്രാക്കിലൂടെ കടന്നുപോയ വന്ദേ ഭാരത് എക്സ്പ്രസ് ആണ് പെൺകുട്ടിയെ തട്ടിയത്. നാട്ടുകാർ വിവരമറിയിച്ചതിനെ തുടർന്ന് കായംകുളം പൊലീസ് സ്ഥലത്ത് എത്തി. മൃതദേഹം കായംകുളം താലൂക്ക്…