മകളുടെ വീട്ടിൽ നിന്ന് വരുന്നതിനിടയിൽ കാണാതായ വയോധികന്റെ മൃതദേഹം കണ്ടെത്തി
കൂറ്റനാട്: ആറങ്ങോട്ടുകരയിൽനിന്നു കാണാതായ വയോധികൻ പുഴക്കടവിൽ മരിച്ച നിലയിൽ. ദേശമംഗലം പഞ്ചായത്തിലെ ഭാരതപ്പുഴയിൽ ചെങ്ങനംകുന്നു കടവിലാണ് മൃതദേഹം കണ്ടെത്തിയത്. ഒറ്റപ്പാലം തോട്ടക്കര ആച്ചത് വീട്ടിൽ ഉണ്ണികൃഷ്ണൻ (77) ആണ് മരിച്ചത്. 29 ന് വൈകിട്ട് ഉണ്ണികൃഷ്ണൻ മകളുടെ വീട്ടിൽ പോയിരുന്നു. അവിടെനിന്ന് 4.15 ഓടെ മടങ്ങിയ ഉണ്ണികൃഷ്ണനെപ്പറ്റി പിന്നീടു വിവരമില്ലായിരുന്നു. വീട്ടുകാർ പൊലീസിൽ പരാതി നൽകി. തുടർന്നു നടത്തിയ തിരച്ചിലിലാണ് മൃതദേഹം കണ്ടെത്തിയത്.
