തളിപ്പറമ്പ് : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ 67കാരന് 106 വർഷം കഠിന തടവും മൂന്നര ലക്ഷം രൂപ പിഴയും. ഏരുവേശി പൊട്ടം പ്ലാവിലെ ബാബു കുഴിപ്പലത്തിലിനെയാണ് തളിപ്പറമ്പ് അതിവേഗ പോക്സോ കോടതി ജഡ്ജി ആർ.രാജേഷ് ശിക്ഷിച്ചത്. 2019 മുതൽ 2021 വരെയുള്ള കാലത്താണ് പീഡനം നടന്നത്. ഒൻപത് വകുപ്പുകളിലായിട്ടാണ് ശിക്ഷ. പ്രോസിക്യൂഷന് വേണ്ടി പബ്ലിക്ക് പ്രോസിക്യൂട്ടർ അഡ്വ.ഷെറിമോൾ ജോസ് ഹാജരായി
