വല്ലപ്പുഴ :ചെറുകോട് മുണ്ടക്കപറമ്പിൽ പ്രദീപിന്റെ ഭാര്യ ബീന യാണ്(35) മരിച്ചത്. മക്കളായ നിഖ (12) നിവേദ (6) പൊള്ളലേറ്റ് ചികിത്സയിലാണ്. ഞായറാഴ്ച പുലർച്ചെ വീട്ടിനുള്ളിലാണ് ഇവരെ പൊള്ളലേറ്റ നിലയിൽ കണ്ടെത്തിയത്.
ഞായറാഴ്ച്ച പുലർച്ച രണ്ടരയോടെ കുട്ടികൾ കരയുന്ന ശബ്‌ദം കേട്ട് വീട്ടുകാർ മുകളിലെ റൂമിൽ പോയി നോക്കിയപ്പോളാണ് ബീനയും രണ്ട് മക്കളും പൊള്ളലേറ്റ നിലയിൽ കണ്ടത്. മുകൾ നിലയിലെ വാതിൽ അകത്ത് നിന്ന് പൂട്ടിയിട്ട നിലയിൽ ആയിരുന്നു. ബൈഡിൽ മണ്ണെണ്ണ ഒഴിച്ച് അതിന് തീകൊളുത്തിയതാകാമെന്നാണ് നിഗമനം. മൂവരെയും അപ്പോൾ തന്നെ ആശുപത്രിയിലേക്ക് കൊണ്ട് പോയി.
ബീനയുടെ ഭർത്താവ് കണ്ണൂരിൽ കാർപെന്ററാണ്. ഒരാഴ്ച്ചയായി ഭർത്താവ് കണ്ണൂരിലാണ്. കുടുംബത്തിൽ സാമ്പത്തിക പ്രശ്ന‌ം ഉള്ളതായി പോലീസ് പറയുന്നു. കുട്ടികൾ തൃശൂർ മെഡിക്കൽ കോളേജിൽ ചികിത്സയിലാണ്.ഒരു കുട്ടിക്ക് തൊണ്ണൂറ് ശതമാനം പൊള്ളലേറ്റതിനാൽ സീരിയസാണ്.
