കോട്ടയം: കോട്ടയത്ത് കുർബാനക്കിടെ വൈദികനെ ആക്രമിച്ചതായി പരാതി. തലയോലപ്പറമ്പ് വരിക്കാംകുന്ന് പ്രസാദഗിരി പള്ളിയിൽ വച്ചാണ് കുർബാനക്കിടെ വൈദികൻ ജോൺ തോട്ടുപുറത്തിന് നേരെ ആക്രമണം ഉണ്ടായത്. എറണാകുളം- അങ്കമാലി അതിരൂപതയിലെ പള്ളിയാണ്. ഏകീകൃത കുർബാനയുമായി ബന്ധപ്പെട്ട തർക്കം നിൽക്കുന്ന പള്ളിയിലാണ് സംഘർഷം ഉണ്ടായത്. വിമത വിഭാഗത്തിൽ പെട്ട ആളുകളാണ് ആക്രമണം നടത്തിയതെന്ന് വൈദികൻ ആരോപിക്കുന്നു. സംഘർഷത്തെ തുടർന്ന് വിശ്വാസികളും ചേരി തിരിഞ്ഞ് ഏറ്റമുട്ടി.
