മൈസൂരു: 17 പല്ലുകൾ കൊഴിഞ്ഞുപോയതിലുള്ള വേദന സഹിക്കാനാവാതെ യുവാവ് ജീവനൊടുക്കി. ചിക്കമഗളൂരു ജില്ലയിലെ കോപ്പ താലൂക്കിലാണ് സംഭവം. ഭുവനകോട്ടെ ഗ്രാമത്തിലെ വിഗ്നേഷ് (18) ആണ് ഞായറാഴ്ച രാവിലെ വീടിനരികിലുള്ള സ്ഥലത്ത് തൂങ്ങിമരിച്ചത്. നാലുവർഷംമുൻപുണ്ടായ വാഹനാപകടത്തിലാണ് ഇയാളുടെ 17 പല്ലുകൾ നഷ്ടമായത്.
കൊപ്പ ഐടിഐയിലെ ഒന്നാംവർഷ വിദ്യാർത്ഥിയാണ് വിഗ്നേഷ്. അപകടത്തെത്തുടർന്ന് വിഗ്നേഷിന് ശാരീരികവും മാനസികവുമായ ബുദ്ധിമുട്ടുകൾ അനുഭവപ്പെട്ടിരുന്നു. നിരന്തരമായ വേദനയെത്തുടർന്ന് അദ്ദേഹം തുടർച്ചയായി ചികിത്സതേടിയിരുന്നു. ഇതേത്തുടർന്നാണ് യുവാവ് ആത്മഹത്യചെയ്തതെന്ന് പ്രദേശവാസികൾ പറഞ്ഞു. ജയപുര പൊലീസ് സ്ഥലത്തെത്തി പരിശോധനനടത്തി.
