ചങ്ങനാശ്ശേരി: നഗരമധ്യത്തിൽ പട്ടാപ്പകൽ കൊലപാതക ശ്രമം നടത്തിയ പ്രതി പൊലീസ് പിടിയിൽ. മാടപ്പള്ളി മുണ്ടുകുഴി ഭാഗത്ത് പുതുപ്പറമ്പിൽ സന്തോഷ് കുമാറിനെയാണ് (പി ണ്ടി സന്തോഷ്- 48) ചങ്ങനാശ്ശേരി പൊലീസ് അറസ്റ്റ് ചെയ്തത്. ഞായറാഴ്ച രാവിലെ 11ഓടെയാണ് കേസിനാസ്പദമായ സംഭവം.ചങ്ങനാശ്ശേരി ബിവറേജ് ഷോപ്പിൽനിന്ന് മദ്യം വാങ്ങാൻ എത്തിയ കുറിച്ചി നീലംപേരൂർ, കൊമ്പറച്ചിറ വീട്ടിൽ പ്രസാദിനെയാണ് (52) ബിവറേജിനു സമീപത്തുവെച്ച് പ്രതി കൈയിൽ കരുതിയ വെട്ടുകത്തി കൊണ്ട് വെട്ടിക്കൊലപ്പടുത്താൻ ശ്രമിച്ചത്. സന്തോഷ് ബിവറേജ് ഷോപ്പിൽ നിന്ന് മദ്യം വാങ്ങി ഉയർന്ന വിലയിൽ വിൽക്കുന്നത് എക്സൈസ് സംഘത്തിന് ഒറ്റിയതിലുള്ള വിരോധമാണ് കൊലപാതക ശ്രമത്തിന് കാരണം. തലയുടെ പിന്നിൽ വെട്ടേറ്റ പ്രസാദിനെ ചങ്ങനാശ്ശേരി ജനറൽ ആശുപത്രിയിൽ പ്രാവേശിപ്പിച്ചു. പിടിയിലയ സന്തോഷ് കൊലപാതകമടക്കം നിരവധി കേസുകളിൽ പ്രതിയാണ്.
