ഹരിപ്പാട്: ചിങ്ങോലിയിലെ അങ്കണവാടിയിൽ സാമൂഹ്യവിരുദ്ധരുടെ അതിക്രമം. പന്ത്രണ്ടാം വാർഡ് 71-ാം നമ്പർ അങ്കണവാടിയിലാണ് അതിക്രമം നടന്നത്. കഴിഞ്ഞദിവസം രാത്രിയായിരുന്നു സംഭവം. കെട്ടിടത്തിന്റെ മുന്നിൽ വെച്ചിരുന്ന ചെടിച്ചട്ടികൾ കുറെയെണ്ണം തല്ലിയുടച്ച് സമീപത്തെ പറമ്പിലിട്ടു. ബാക്കിയുള്ളവ എടുത്തുകൊണ്ടുപോകുകയും ചെയ്തു. കൂടാതെ ചട്ടിയിലെ മണ്ണു വാരി വരാന്തയിലും വിതറി. ഗ്രാമപ്പഞ്ചായത്ത് അധികൃതർ കരീലക്കുളങ്ങര പോലീസിൽ പരാതി നൽകി. അടുത്തകാലത്തായി പ്രദേശത്ത് സമൂഹവിരുദ്ധ ശല്യം വർധിച്ചു വരുകയാണെന്ന് നാട്ടുകാർ പറഞ്ഞു. കുട്ടികളെ വിശ്വസിച്ച് അങ്കണവാടിയിൽ വിടാൻ പോലും ഭയമാണ്. കെട്ടിടത്തിൽ രതിരയിൽ സാമൂഹ്യവിരുദ്ധർ ഏറുന്ന മദ്യപിക്കുന്നതിന്റെ ലക്ഷണങ്ങളൊക്കെ ഉണ്ട്. ഇതിനുമുൻപും സമാനമായ സംഭവങ്ങൾ ഉണ്ടായിട്ടുണ്ടെന്ന് നാട്ടുകാർ പറയുന്നു.
