കുട്ടികളെ കാർട്ടൂൺ കാണിച്ചു ഭക്ഷണം കൊടുക്കുന്ന ഈ തെറ്റ് ഇനി ആവർത്തിക്കരുത്.നമ്മൾ കുട്ടികൾക്ക് ഭക്ഷണം കൊടുക്കുമ്പോൾ ടിവിയോ ഫോണോ കാണിക്കുന്നത് എന്തിനാണ്? വേഗം വാ തുറന്ന് കഴിക്കാനായിരിക്കും, അല്ലേ? പക്ഷേ ഇത് നമ്മുടെ കുട്ടികൾക്ക് നല്ലതല്ല.
ഒന്ന് ആലോചിച്ചു നോക്കൂ: കുട്ടി ടിവിയിൽ നോക്കിയിരിക്കുമ്പോൾ, അവൻ ശരിക്കും ‘തിന്നുന്ന’ കാര്യം അറിയുന്നില്ല. എത്ര കഴിച്ചു, എന്ത് കഴിച്ചു, വയറ് നിറഞ്ഞോ എന്നൊന്നും അവന്റെ ശ്രദ്ധയിൽ വരില്ല. ഇങ്ങനെ ആകുമ്പോൾ, ചിലപ്പോൾ കുട്ടി ആവശ്യത്തിലധികം കഴിക്കും, അല്ലെങ്കിൽ കഴിക്കാതെ വയറിന് പ്രശ്നമുണ്ടാക്കും.
രണ്ടാമത്തെ പ്രശ്നം: കാർട്ടൂൺ കാണിച്ചാലേ ഞാൻ കഴിക്കൂ എന്ന വാശി കുട്ടിക്ക് ഉണ്ടാകും. നാളെ ടിവി ഇല്ലെങ്കിൽ അവൻ പട്ടിണി കിടക്കും.
അതുകൊണ്ട്, ഇനി മുതൽ ഭക്ഷണം കൊടുക്കുമ്പോൾ ടിവിയും ഫോണും ഓഫ് ആക്കുക. മോൻ/മോൾ കഴിക്കുന്ന ആഹാരത്തിലേക്ക് ശ്രദ്ധ കൊടുക്കട്ടെ. ‘ഇതാണ് ചപ്പാത്തി, ഇതാണ് കറി, നല്ല രുചിയുണ്ട്’ എന്നൊക്കെ പറഞ്ഞ് കൊടുക്കുക. എല്ലാവരും ഒരുമിച്ചിരുന്ന് ചിരിച്ച് കളിച്ച് ഭക്ഷണം കഴിക്കുമ്പോൾ, അത് ആരോഗ്യത്തിനും സന്തോഷത്തിനും നല്ലതാണ്. ഈ ഒരു ചെറിയ മാറ്റം, നമ്മുടെ കുട്ടികളുടെ നല്ല ശീലത്തിന് വളരെ വലുതാണ്.
