പത്തനംതിട്ടയിൽ ഓട്ടോറിക്ഷ തോട്ടിലേക്ക് മറിഞ്ഞ് ഉണ്ടായ അപകടത്തിൽ മരണം രണ്ടായി. തോട്ടിലെ തെരച്ചിലിൽ കണ്ടെത്തിയ യദു കൃഷ്ണൻ (4 വയസ്) മരിച്ചു. അപകട സമയത്ത് തന്നെ ആദിലക്ഷ്മി (7 വയസ് ) മരിച്ചിരുന്നു. ഇന്ന് വൈക്കീട്ടോടെയാണ് അപകടം നടന്നത്. കരുമാന്തോട് തൂമ്പാക്കുളത്തുവെച്ചായിരുന്നു അപകടം ഉണ്ടായത്.
കരിമാന്തോട് ശ്രീനാരായണ സ്കൂളിലെ വിദ്യാർത്ഥികൾ സഞ്ചരിച്ച ഓട്ടോറിക്ഷയാണ് അപകടത്തിൽപ്പെട്ടത്. അപകട സമയത്ത് ആറ് കുട്ടികളായിരുന്നു ഓട്ടോറിക്ഷയിൽ ഉണ്ടായിരുന്നത്. പരുക്കേറ്റ കുട്ടികളെ കോന്നി ആശുപത്രിയിലേക്ക് മാറ്റി.
