തിരുവനന്തപുരം: തിരുവനന്തപുരം കോ – ഒപ്പറേറ്റീവ് ട്രെയിനിംഗ് കോളേജ് ജെഡിസി വിദ്യാർത്ഥികളുടെ മാഗസിൻ പ്രകാശനം സംഘടിപ്പിച്ചു. സംസ്ഥാന സഹകരണ യൂണിയൻ ചെയർമാൻ കോലിയക്കോട് കൃഷ്ണൻ നായർ ജെഡിസി പ്രിൻസിപ്പാൾ അനിൽകുമാറിന് നൽകി മാഗസിൻ പ്രകാശനം നിർവ്വഹിച്ചു. മരണത്തിനപ്പുറവും പലരിലൂടെ ജീവിക്കുന്ന ‘ആലിൻ’ എന്ന കുഞ്ഞു മാലാഖയുടെ പേരാണ് മാഗസിന് നൽകിയിരിക്കുന്നത്. ട്രെയിനിംഗ് കോളേജ് അധ്യാപകൻ രാജേന്ദ്രൻ അദ്ധ്യക്ഷത വഹിച്ച യോഗത്തിൽ അഖിൽ സ്വാഗതം പറഞ്ഞു. ജെഡിസി പ്രിൻസിപ്പാൾ അനിൽകുമാർ, എച്ച്ഡി സി പ്രിൻസിപ്പാൾ മനുരാജ്,മാഗസിൻ കമ്മിറ്റി അംഗങ്ങളായ ബി എസ് രാജീവ്,എസ് ആർ ഉണ്ണികൃഷ്ണൻ, സജിത്ത്കുമാർ,ഷിബു, നീരജ് എന്നിവർ സംസാരിച്ചു, പ്ലാനിംഗ് ഫോറം ജോയിൻ്റ് കൺവീനർ അഭിരാമി യോഗത്തിന് നന്ദി രേഖപ്പെടുത്തി.
