തിരുവനന്തപുരം :ആരോഗ്യവകുപ്പിൻ്റെ പേരിൽ നടന്ന നിയമനത്തട്ടിപ്പുകേസിൽ യൂത്ത് കോൺഗ്രസ് സംസ്ഥാന സെക്രട്ടറി കസ്റ്റഡിയിൽ. അരവിന്ദ് വെട്ടിക്കലിനെയാണ് തിരുവനന്തപുരം കന്റോൺമെൻ്റ് പൊലീസ് കസ്റ്റഡിയിലെടുത്തത്. കോട്ടയം ജില്ലാ ആശുപത്രിയിൽ റിസപ്ഷനിസ്റ്റായി ജോലി വാങ്ങിത്തരാമെന്ന് പറഞ്ഞായിരുന്നു തട്ടിപ്പ് നടത്തിയത്.
ആലപ്പുഴ ചിങ്ങോലി സ്വദേശിനിയിൽ നിന്ന് 50,000 അരവിന്ദ് വാങ്ങിയെന്നാണ് പൊലീസ് പറയുന്നത്. തട്ടിപ്പുനടത്തുന്നതിനായി ഇയാൾ ആരോഗ്യവകുപ്പിന്റെ വ്യാജ സീലും ലെറ്റർഹെഡും നിർമ്മിച്ചു. സെക്ഷൻ ഓഫീസർ എന്ന വ്യാജേന ഒപ്പിട്ട് നിയമന ഉത്തരവും ഇയാൾ നൽകിയിരുന്നു. ഇയാളെ വിശദമായി ചോദ്യം ചെയ്ത് ശേഷമാകും എഫ്ഐആർ ഉൾപ്പെടെ തയാറാക്കി തുടർ നടപടികൾ സ്വീകരിക്കുക.
