തെറ്റ് വന്നാല് ചൂണ്ടിക്കാണിക്കേണ്ടത് എന്റെ ഉത്തരവാദിത്വം ;മുഖ്യമന്ത്രി
കാസര്ഗോഡ്: കുണ്ടംകുഴിയില് പ്രസംഗത്തിനിടെ അനൗണ്സ്മെന്റ് വന്ന സംഭവത്തില് വിശദീകരണവുമായി മുഖ്യമന്ത്രി പിണറായി വിജയന്.സഹകരണ മേഖലയെ അപകീര്ത്തിപ്പെടുത്താനുള്ള നീക്കത്തിനെതിരെയാണ് കുണ്ടംകുഴിയില് പ്രസംഗിച്ചത്. പ്രസംഗം തീരുന്നതിന് മുമ്പ് അനൗണ്സ്മെന്റ് വന്നപ്പോള് ആ തെറ്റ് ചൂണ്ടിക്കാട്ടിയതാണെന്ന് മുഖ്യമന്ത്രി പറഞ്ഞു.മുഖ്യമന്ത്രി പിണങ്ങിപ്പോയി എന്നാണ് മാധ്യമങ്ങള് വാര്ത്ത കൊടുത്തത്.ഒരു തെറ്റ് കണ്ടാല് ചൂണ്ടിക്കാണിക്കേണ്ടത് എന്റെ ഉത്തരവാദിത്തമാണ്.മാധ്യമങ്ങളിങ്ങനെ വാര്ത്ത കൊടുത്തുവെന്നത് കൊണ്ട് നാളെ പറയാതിരിക്കില്ല.വല്ലാത്ത ചിത്രമുണ്ടാക്കാനാണ് ശ്രമമെന്നും എന്നാല് ജനങ്ങള്ക്കിടയില് അത്തരമൊരു ചിത്രമുണ്ടാക്കാന് കഴിയില്ലെന്നും മുഖ്യമന്ത്രി പറഞ്ഞു.
