കണ്ണൂര്‍ : സംസ്ഥാനത്ത് ഒരു പനി മരണം കൂടി റിപ്പോര്‍ട്ട് ചെയ്തു. പനി ബാധിച്ച് ചികിത്സയിലായിരുന്ന ഒന്നരവയസുകാരിയാണ് ഇന്ന് മരിച്ചത്.കണ്ണൂര്‍ തളിപ്പറമ്പ് കുണ്ടാംകുഴി റോഡിലെ സിറാജ്- ഫാത്തിമ ദമ്പതികളുടെ മകള്‍ ഹയ ആണ് മരിച്ചത്. പനി മൂര്‍ച്ഛിച്ചതിനെ തുടര്‍ന്ന് പരിയാരം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. തിങ്കളാഴ്ച രാവിലെയാണ് മരണം സംഭവിച്ചത്

തിരുവനന്തപുരം : ലഹരി വില്‍പ്പന ചോദ്യം ചെയ്തതിന് തിരുവനന്തപുരം ഞാണ്ടൂര്‍കോണത്ത് സംഘര്‍ഷം. മൂന്നുപേര്‍ക്ക് വെട്ടേറ്റു. അംബേദ്കര്‍ നഗര്‍ കോളനിയില്‍ രാത്രി 8.30നാണ് സംഭവം നടന്നത്. അംബേദ്കര്‍ നഗര്‍ സ്വദേശികളായ രാഹുല്‍,അഭിലാഷ്, രാജേഷ് എന്നിവര്‍ക്കാണ് വെട്ടേറ്റത്. രാഹുലിന് കഴുത്തിലും കൈയിലും ഗുരുതരമായി വെട്ടേറ്റു. മൂന്നു പേരെയും മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മൂന്നംഗ സംഘമാണ് മൂവരേയും ആക്രമിച്ചതെന്നാണ് വിവരം. പുറത്തു നിന്നുള്ളവര്‍ രാത്രികാലങ്ങളില്‍ കോളനിയിലെത്തുന്നത് സംബന്ധിച്ച തര്‍ക്കമാണ് ആക്രമണത്തില്‍ കലാശിച്ചത്.ലഹരി വില്‍പ്പന നടത്തുന്നതിനാണ് ഇവര്‍ എത്തിയിരുന്നതെന്നാണ് ആക്ഷേപം. ഇത്…