കരകുളം ഗ്രാമപഞ്ചായത്തിലെ കായ്പ്പാടിയിൽ ഓണസമ്മാനമായി കെ-സ്‌റ്റോർ തുറന്നു. കായ്പ്പാടിയിലെ 347ആം നമ്പർ റേഷൻകട കെ-സ്റ്റോറായി ഉയർത്തിയതിന്റെ ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി ജി. ആർ അനിൽ നിർവഹിച്ചു. പൊതുവിതരണ രംഗത്തെ വിപ്ലവമാണ് പരമ്പരാഗത റേഷൻ കടകളിൽ നിന്നും കെ-സ്റ്റോറിലേക്കുള്ള മാറ്റമെന്ന് മന്ത്രി പറഞ്ഞു. ഓണത്തോടനുബന്ധിച്ച് രണ്ടാംഘട്ടമായി 200 കെ- സ്റ്റോറുകളാണ് ആരംഭിക്കുന്നത്. അതിൽ നെടുമങ്ങാട് താലൂക്കിലെ അഞ്ചു റേഷൻ കടകളെ കൂടി ഉൾപ്പെടുത്തിയതായും മന്ത്രി അറിയിച്ചു. നിലവിൽ ലഭിക്കുന്ന ഭക്ഷ്യധാന്യങ്ങൾക്ക് പുറമേ സപ്ലൈകോയുടെ ശബരി ഉത്പന്നങ്ങളും,…

ഉഴമലയ്ക്കൽ :അരുവിക്കര നിയോജക മണ്ഡലത്തിലെ ഉഴമലയ്ക്കൽ സർവീസ് സഹകരണ ബാങ്കിന്റെ കുളപ്പട ശാഖക്കായി ആധുനിക സൗകര്യങ്ങളോടെ നിർമിച്ച പുതിയ മന്ദിരത്തിന്റെ ഉദ്ഘാടനം നിയമസഭാ സ്പീക്കർ എ.എൻ ഷംസീർ നിർവഹിച്ചു. സഹകരണ ബാങ്കുകളുടെ സജീവ സാന്നിധ്യമാണ് കേരളത്തിന്റെ സമ്പദ്ഘടനയെ താങ്ങിനിർത്തുന്നതെന്നും സാധാരണക്കാരന്റെ പ്രശ്‌നങ്ങൾക്ക് പരിഹാരമാകുന്നതെന്നും സ്പീക്കർ പറഞ്ഞു. സഹകരണ ബാങ്കുകൾ വൈവിധ്യവത്കരണത്തിന്റെ പാതയിലാണ്. ആരോഗ്യ, വിദ്യാഭ്യാസ, ഐ.ടി മേഖലകളിലുൾപ്പെടെ സഹകരണബാങ്കുകൾ ഇടപെടലുകൾ നടത്തുന്നുണ്ട്. സഹകരണമേഖല ദൈനംദിന ജീവിതത്തിന്റെ ഭാഗമാണെന്നും നാടിന്റെ പുരോഗതിക്ക് അനിവാര്യമാണെന്നും അദ്ദേഹം പറഞ്ഞു. ജനങ്ങളെ സഹായിക്കാനും…

കരകുളം:ഓണത്തെ വരവേൽക്കാൻ കരകുളം ഗ്രാമപഞ്ചായത്ത് കുടുംബശ്രീയുടെ 25-ാം വാർഷികാഘോഷങ്ങളുടെ ഭാഗമായി സംഘടിപ്പിച്ച ‘കരകുളം കർണിവൽ 2023’ ന് ആവേശകരമായ സമാപനം. സമാപന സമ്മേളനം ഭക്ഷ്യ പൊതുവിതരണ വകുപ്പ് മന്ത്രി ജി. ആർ അനിൽ ഉദ്ഘാടനം ചെയ്തു. കരകുളത്തിന്റെ ചരിത്രത്തിൽ ആദ്യമായാണ് 11 ദിവസം നീണ്ട് നിന്ന ആഘോഷ പരിപാടികൾ അരങ്ങേറിയതെന്ന് മന്ത്രി പറഞ്ഞു. വിനോദത്തിന്റെയും വിജ്ഞാനത്തിന്റെയും വ്യാപാരത്തിന്റെയും സംഗമമായിരുന്നു കരകുളം കാർണിവൽ. കാർണിവല്ലിന്റെ വിജയത്തിന് പിന്നിൽ പ്രവർത്തിച്ച കുടുംബശ്രീ പ്രവർത്തകരെ മന്ത്രി അനുമോദിച്ചു. ആഗസ്റ്റ്‌ 14 ന്…

തിരുവനന്തപുരം: നെടുമങ്ങാട് റവന്യൂ ടവര്‍ ലിഫ്റ്റില്‍ രണ്ട് പേര്‍ കുടുങ്ങി. ഇന്ന് ഉച്ചയ്ക്ക് 2.30ഓടെയാണ് സംഭവം. ഓണാഘോഷ സദ്യ കഴിക്കാൻ എത്തിയ കാഴ്ച പരിമിതിയുള്ള ലോട്ടറി കച്ചവടക്കാരൻ കിളിമാനൂർ സ്വദേശി സുകേഷ്, റവന്യൂ ഉദ്യോഗസ്ഥൻ രഞ്ജു എന്നിവരാണ് ലിഫ്റ്റിൽ കുടുങ്ങിയത്. 15 മിനിട്ടോളം ഇരുവരും ലിഫ്റ്റില്‍ അകപ്പെട്ടു. കെട്ടിടത്തിലെ ഇന്‍വെര്‍ട്ടര്‍ പ്രവര്‍ത്തനക്ഷമമായിരുന്നില്ല. നെടുമങ്ങാട് ഫയര്‍ ഫോഴ്‌സ് എത്തിയാണ് കുടുങ്ങിയവരെ പുറത്തെത്തിച്ചത്. ആദ്യ നിലയില്‍ ലിഫ്റ്റിന്റെ വാതിലില്‍ എത്തിയതിനാല്‍ ശ്വാസം ലഭിക്കുന്നുണ്ടായിരുന്നു എന്നത് വലിയ അപകടമാണ് ഒഴിവാക്കിയത്