മരിച്ച മാതാവിന്റെ പേരിലും FB അക്കൗണ്ട്, ഗൾഫ് നമ്പറിൽ ചാറ്റ്; വ്യാജവീഡിയോ കാണിച്ച് പണംതട്ടിയ ആൾ വലയിൽ
കോഴിക്കോട് : ഇൻസ്റ്റഗ്രാമിലൂടെയും സോഷ്യൽ മീഡിയ അക്കൗണ്ടുകളിലൂടെയും സ്ത്രീകളുടെ വ്യാജ വീഡിയോയും ചിത്രങ്ങളും പ്രചരിപ്പിച്ച്‌ പണം തട്ടിയെടുത്ത യുവാവ് അറസ്റ്റിൽ. മലപ്പുറം മാറാഞ്ചേരി വെള്ളത്തിങ്കൽ സ്വദേശി മുഹമ്മദ് ഫുവാദിനെയാണ്‌ (32) പന്നിയങ്കര പോലീസ് അറസ്റ്റ് ചെയ്തത്. കോഴിക്കോട് സ്വദേശിനിയായ യുവതിയെ ഇൻസ്റ്റഗ്രാമിലെ വ്യാജഅക്കൗണ്ടിലൂടെ പരിചയപ്പെടുകയും യുവതിയുടെ ഫോട്ടോ ഉപയോഗിച്ച് വ്യാജനഗ്ന ഫോട്ടോകൾ ഉണ്ടാക്കുകയും അത് ബന്ധുക്കൾക്കും ഭർത്താവിനും അയച്ചു കൊടുത്ത് പണം ആവശ്യപ്പെടുകയുമായിരുന്നു. ഈ പരാതിയിൽ പന്നിയങ്കര പോലീസ് കേസെടുത്ത് അന്വേഷണം തുടരുന്നതിനിടയിലാണ് ഇയാൾ അറസ്റ്റിലായത്….
