Kerala

കണ്ണൂർ: ഒട്ടും സുരക്ഷിതമല്ലാത്ത അന്തരീക്ഷത്തിലാണ് കുരുന്നുകൾ പഠിക്കുന്നത്. കണ്ണൂർ കൊട്ടിയൂരിലെ ഒറ്റപ്ലാവ് ഈസ്റ്റ് അങ്കണവാടിയിൽ നിന്നും രാജവെമ്പാലയെ കണ്ടെത്തി. അങ്കണവാടിയിലെ അടുക്കളയിൽ നിന്നുമാണ് രാജവെമ്പാലയെ പിടികൂടിയത്. ഇന്നലെ ഉച്ചയോടെ അങ്കണവാടിയുടെ അടുക്കള ഭാഗത്തായി ചുറ്റിയിരിക്കുന്ന നിലയിലായിരുന്നു പാമ്പ്. ജോലിക്കാരിയാണ് പാമ്പിനെ ആദ്യം കണ്ടത്. ഭാഗ്യവശാൽ ഈ സമയം കുട്ടികൾ അങ്കണവാടിയിൽ ഉണ്ടായിരുന്നില്ല. മഴ മൂലം കുട്ടികളെ നേരത്തെ വീട്ടിൽ വിട്ടിരുന്നു അതിനാൽ വൻ അപകടമാണ് ഒഴിവായത്. കൊട്ടിയൂർ ഫോറസ്റ്റ് അധികൃതരെ വിവരം അറിയിച്ചതിനെ തുടർന്ന് ഉദ്യോഗസ്ഥർ സ്ഥലത്തെത്തി…

ഇടുക്കി: ദേശീയപാതയിലെ കുട്ടിക്കാനം കടുവാപ്പാറയില്‍ ലോറി നിയന്ത്രണം വിട്ട് 1000 അടി താഴ്ചയിലേക്കു മറിഞ്ഞ് ഡ്രൈവര്‍ മരിച്ചു. കോട്ടയം പരുത്തുംപാറ സ്വദേശി ജോമോന്‍ ജോസഫ് (26) ആണ് മരിച്ചത്.ടയര്‍ ലോഡുമായി കട്ടപ്പനയിലേക്കു പോകുന്നതിനിടെയാണ് അപകടം. കൊക്കയിലേക്കു പതിച്ച ലോറിയില്‍ നിന്നു തെറിച്ചുവീണ ജോമോന്റെ മൃതദേഹം പാറപ്പുറത്ത് കിടക്കുന്ന നിലയിലായിരുന്നു കണ്ടെത്തിയത്. അഗ്നിരക്ഷാസേനാംഗങ്ങള്‍ ഒരു മണിക്കൂറോളം എടുത്താണ് മൃതദേഹം മുകളിലെത്തിച്ചത്.

തിരുവനന്തപുരം: തമ്പാനൂര്‍ കെഎസ്ആര്‍ടിസി ബസ് ടെര്‍മിനലില്‍ യുവാവ് തൂങ്ങി മരിച്ചു. നാലാഞ്ചിറ സ്വദേശി ബിനുവാണ് തൂങ്ങി മരിച്ചത്. തമ്പാനൂര്‍ പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി. ഷോപ്പിംഗ് കോംപ്ലക്‌സിനുള്ളില്‍ ബേക്കറി തുടങ്ങാന്‍ ബിനു കട വാടകയ്ക്ക് എടുത്തിരുന്നുവെന്നും കട തുറക്കാന്‍ കെ.ടി.ഡി.സി അനുവദിച്ചില്ലെന്നും വ്യാപാരി വ്യവസായി സമിതി ആരോപിച്ചു.വിനു ബേക്കറിക്കട തുടങ്ങാന്‍ പണി ആരംഭിച്ചിട്ട് രണ്ടു വര്‍ഷമായെന്നും എന്നാല്‍ കട തുറക്കാന്‍ കെടിിഡിസി അനുമതി നല്‍കാത്തതാണ് ആത്മഹത്യയ്ക്ക് കാരണമെന്നുമാണ് വ്യാപാരികളുടെ ആരോപണം. കടമമുറിക്കുള്ളില്‍ നിന്നും ആത്മഹത്യ കുറിപ്പ് ലഭിച്ചതായി…

തളിപ്പറമ്പ് (കണ്ണൂർ) : കണ്ണൂർ പട്ടുവം അരിയിൽ തോട്ടിൽ വീണ് വയോധിക മരിച്ചു. ധർമ കിണറിനു സമീപം കള്ളുവളപ്പിൽ നാരായണി (78) ആണ് മരിച്ചത്. ഇന്നലെ തൊഴിലുറപ്പ് ജോലിക്ക് പോയപ്പോൾ മറന്നുവച്ച സാധനങ്ങൾ എടുക്കുവാൻ രാവിലെ 8 മണിയോടെ പോകുമ്പോൾ വഴിയിലുള്ള തോട്ടിൽ കാൽവഴുതി വീഴുകയായിരുന്നു.  വിവരമറിഞ്ഞ് തളിപ്പറമ്പ് അഗ്നിരക്ഷാസേന എത്തുമ്പോഴേക്കും 500 മീറ്റർ അകലെ തോട്ടിൽനിന്നു തന്നെ മൃതദേഹം നാട്ടുകാർ കണ്ടെടുത്തിരുന്നു. ഭർത്താവ്:ഒതേനൻ. മക്കൾ: രമ, ബാബു, രാജീവൻ. മരുമക്കൾ: ഷൈമ, നിമിഷ, ഭാസ്ക്കരൻ.