News

കാട്ടാക്കട: വാഹന പരിശോധനയ്ക്കിടയിൽ കാറിൽ കടത്തിയ 16 ലിറ്റർ ചാരായം കാട്ടാക്കട അഞ്ച് തെങ്ങും മൂട്ടിൽ വച്ച് എക്സൈസ് പിടികൂടി. ചാരായം ക്രിസ്മസ് ന്യൂഇയർആഘോഷങ്ങൾക്ക് വേണ്ടി കൊണ്ട് വന്നതായിരുന്നു.നെടുമങ്ങാട് സ്വദേശിയും നിരവധി അബ്ക്കാരി കേസ്സുകളിൽ പ്രതിയുമായ നൗഷാദ് ഖാനെയും നെടുമങ്ങാട് പെരിങ്ങമല സ്വദേശി അലി എന്ന അലി ജാസ്മിനെയും അറസ്റ്റ് ചെയ്തു. എക്സൈസ് പരിശോധനയിൽ പ്രിവന്റീവ് ഓഫീസർ വിജയകുമാർ സിവിൽ എക്സൈസ് ഓഫീസർ ന്മാരായ ശങ്കർ ,വിശാഖ് , ഹരിപ്രസാദ്, സുജിത്ത്, അനിഷ് എന്നിവർ പങ്കെടുത്തു.

കോട്ടയം: കോട്ടയം മെഡിക്കൽ കോളേജ് ആശുപത്രിയിൽ നിന്ന് കൈക്കുഞ്ഞിനെ തട്ടിക്കൊണ്ടുപോകാൻ ശ്രമിച്ചയാൾ അറസ്റ്റിൽ. അതിരമ്പുഴ, തെള്ളകം ഭാഗത്ത് വാഴകാല വീട്ടിൽ എ.വി. അഷറഫ് (42) ആണ് അറസ്റ്റിലായത്. കോട്ടയം മെഡിക്കൽ കോളേജ് ആശുപത്രിയിൽ ബുധനാഴ്ചയാണ് പകൽ 11 മണിയോടെയാണ് അഞ്ച് മാസം പ്രായമുള്ള കുഞ്ഞിനെ തട്ടിക്കൊണ്ടുപോകാൻ ശ്രമം നടന്നത്. പൊള്ളലേറ്റ് ചികിത്സയിൽ കഴിയുകയായിരുന്ന ഭർത്താവിന് കൂട്ടിരിക്കാനെത്തിയ വീട്ടമ്മയുടെ മടിയിൽ കിടക്കുകയായിരുന്ന കുഞ്ഞിനെയാണ് അഷ്റഫ് കടത്തിക്കൊണ്ടുപോകാൻ ശ്രമിച്ചത്. ബുധനാഴ് രാവിലെ 11 മണിയോടെ കുഞ്ഞിനെ മടിയിൽ കിടത്തിയ ശേഷം…

കോട്ടയം: വയോധികയെ വീട്ടിനുള്ളിൽ പൊള്ളലേറ്റ് മരിച്ച നിലയിൽ കണ്ടെത്തി. കോട്ടയം മണർകാട് ആമലക്കുന്ന് കാഞ്ഞിരത്തിങ്കൽ തങ്കമ്മയെയാണ് മരിച്ച നിലയിൽ കണ്ടെത്തിയത്. പുലർച്ചെ ഒരു മണിക്കാണ് സംഭവം. വീടിനുള്ളിൽ നിന്നും പുക ഉയരുന്നത് ക്രിസ്മസ് കരോളിനായി എത്തിയ കുട്ടികളാണ് കണ്ടത്. തുടർന്ന് പൊലീസിൽ വിവരം അറിയിക്കുകയായിരുന്നു. പൊലീസ് എത്തി തുടർനടപടി സ്വീകരിക്കുകയും ചെയ്യ്തു. മണ്ണെണ്ണ വിളക്കിൽ നിന്ന് തീ പടർന്നതാകാമെന്നാണ് പ്രാഥമിക നിഗമനം

ഇടുക്കി: മാതാപിതാക്കളെ വെട്ടിക്കൊന്ന കേസിലെ പ്രതിയെ തൂങ്ങി മരിച്ച നിലയിൽ കണ്ടെത്തി. മൂലമറ്റം ചേറാടി കീരിയാനിക്കൽ അജേഷിനെയാണ് വീടിന് സമീപത്തെ നച്ചാർ പുഴയിലെ കുറുങ്കയം ഭാഗത്ത് മരത്തിൽ തൂങ്ങി മരിച്ച നിലയിൽ കണ്ടെത്തിയത്. ഇന്നലെയാണ് ഇയാളുടെ മാതാപിതാക്കളെ വീട്ടിനുള്ളിൽ വെട്ടേറ്റ് മരിച്ച നിലയിൽ കണ്ടെത്തിയത്. കൊലപ്പെടുത്തിയത് അജീഷ് ആണെന്ന് മനസ്സിലാക്കിയ പൊലീസ് ഇന്നലെ തന്നെ തിരച്ചിൽ തുടങ്ങിയിരുന്നു. എന്നാൽ ഇയാളെ കണ്ടെത്താനായിരുന്നില്ല. തുടർന്ന് ഇന്ന് നടന്ന അന്വേഷണത്തിലാണ് അജേഷിനെ തൂങ്ങിയ നിലയിൽ കണ്ടെത്തിയത്.

ഹൈദരാബാദ്: വീട്ടിനുള്ളിൽ 45കാരിയുടെ മൃതദേഹത്തിന് ഒപ്പം ഒരാഴ്ച കഴിഞ്ഞ് അമ്മയും സഹോദരനും. വീട്ടിനുള്ളിൽ നിന്ന് ദുർഗന്ധം പുറത്തേയ്ക്ക് വരാൻ തുടങ്ങിയതോടെ, നാട്ടുകാർ പൊലീസിനെ വിവരം അറിയിക്കുകയായിരുന്നു. വീടിന്റെ വാതിൽ ചവിട്ടിപ്പൊളിച്ച് അകത്തുകയറിയ പൊലീസ് വീട്ടിൽ മൃതദേഹത്തിന് ഒപ്പം അമ്മയും സഹോദരനും കഴിയുന്നതാണ് കണ്ടത്. ഇരുവരും മാനസിക വെല്ലുവിളികൾ നേരിടുന്നതായാണ് പൊലീസ് സംശയിക്കുന്നത്. ഹൈദരാബാദിൽ ബുധനാഴ്ചയാണ് സംഭവം. വീട്ടിനുള്ളിൽ നിന്ന് ദുർഗന്ധം പുറത്തേയ്ക്ക് വരാൻ തുടങ്ങിയതോടെ അയൽവാസികൾ പൊലീസിനെ വിളിച്ച് അറിയിക്കുകയായിരുന്നു. വീട്ടിൽ എത്തി വിളിച്ചപ്പോൾ ആരും പ്രതികരിച്ചില്ല….

ന്യൂഡൽഹി: മാർച്ച്‌ 31 വരെ റേഷൻ കാർഡ്‌ ആധാറുമായി ബന്ധിപ്പിക്കാമെന്ന്‌ ഭക്ഷ്യ, പൊതുവിതരണ മന്ത്രാലയം ലോക്‌സഭയിൽ അറിയിച്ചു. അതുവരെ തിരിച്ചറിയൽ കാർഡ്‌, പാൻ കാർഡ്‌, പാസ്‌പോർട്ട്‌, ഡ്രൈവിങ്‌ ലൈസൻസ്‌, ഗസറ്റഡ്‌ ഓഫീസറുടെ ഔദ്യോഗിക ലെറ്റർ ഹെഡിലുള്ള സാക്ഷ്യപത്രം, ഫോട്ടോയും പേരുമുള്ള തപാൽ വകുപ്പ്‌ മേൽവിലാസ കാർഡ്‌, ഫോട്ടോയുള്ള കിസാൻ പാസ്‌ബുക്ക്‌ എന്നിവ ഗുണഭോക്താക്കൾക്ക്‌ ഉപയോഗിക്കാം. ഒരു രാജ്യം, ഒരു റേഷൻ കാർഡ്‌ പദ്ധതിയുടെ ഭാഗമായി 99.8 ശതമാനം റേഷൻ കാർഡുകളും ആധാറുമായി ബന്ധിപ്പിച്ചിട്ടുണ്ടെന്നും മന്ത്രാലയം വ്യക്തമാക്കി.

ചേർത്തല: കഞ്ചാവ് ഉപയോഗിച്ച് വാഹനമോടിച്ച സ്വകാര്യ ബസ് ഡ്രൈവർ അറസ്റ്റിൽ. ഇതേ വാഹനത്തിലെ കണ്ടക്ടറേയും കഞ്ചാവ് ഉപയോ​ഗിച്ചതിന് പൊലീസ് അറസ്റ്റ് ചെയ്തു. ചേർത്തല തെക്ക് പഞ്ചായത്ത് ഉദയംപറമ്പ് സാജൻ(35),മാരാരിക്കുളം പാവനാട്ട് ഭവൻ അമൽ(23) എന്നിവരെയാണ് ചേർത്തല പൊലീസ് പിടികൂടിയത്. ഇന്നലെ ഉച്ചയോടെ ചേർത്തല സ്വകാര്യ ബസ് സ്റ്റാന്റിൽ നിന്നാണ് ഇരുവരും പിടിയിലായത്. പൊലീസിനു ലഭിച്ച രഹസ്യവിവരത്തെത്തുടർന്ന് സ്വകാര്യ ബസുകളിൽ നടത്തിയ പരിശോധനയിലാണ് സർവീസ് കഴിഞ്ഞ് ബസ് സ്റ്റാന്റിലെത്തിയ സ്വകാര്യ ബസിൽ നിന്ന് ഇരുവരെയും പൊലീസ് അറസ്റ്റ് ചെയ്തത്….