പശ്ചിമ ബംഗാള് മെഡിക്കല് കോളജില് വീണ്ടും ലൈംഗിക അതിക്രമം, വിദ്യാര്ഥിനിയെ വലിച്ചിഴച്ച് കൊണ്ടുപോയി ബലാത്സംഗം ചെയ്തു
കൊല്ക്കത്ത: പശ്ചിമ ബംഗാളില് വീണ്ടും മെഡിക്കല് വിദ്യാര്ത്ഥിനിക്ക് നേരെ ലൈംഗികാതിക്രമം. ദുര്ഗാപൂരിലെ മെഡിക്കല് കോളജിലെ രണ്ടാം വര്ഷ വിദ്യാര്ത്ഥിനിയാണ്, മെഡിക്കല് കോളജ് വളപ്പിനകത്തു വെച്ച് ബലാത്സംഗത്തിന് ഇരയായത്. ഒഡീഷ ജലേശ്വര് സ്വദേശിനിയാണ് അതിക്രമത്തിന് ഇരയായത്. ദുര്ഗാപൂരിലെ ശോഭാപൂരിലുള്ള സ്വകാര്യ മെഡിക്കല് കോളജില് വെച്ചായിരുന്നു സംഭവം. വിദ്യാര്ത്ഥിനി ആണ്സുഹൃത്തുമെന്ന് രാത്രി 8.30 ന് മെഡിക്കല് കോളജ് കാംപസിന് വെളിയിലേക്ക് വരുന്നതിനിടെയായിരുന്നു അക്രമം. ഗേറ്റിന് സമീപം വെച്ച് പെട്ടെന്ന് എത്തിയ അക്രമി പെണ്കുട്ടിയെ ആശുപത്രിക്ക് പിന്നിലേക്ക് വലിച്ചിഴച്ചുകൊണ്ടു പോയി പീഡിപ്പിക്കുകയായിരുന്നു….
