എറണാകുളം: മത്സ്യവുമായി വന്ന കണ്ടെയ്നർ ലോറി ആലുവയിൽ നിയന്ത്രണം വിട്ട് മെട്രോ തൂണിലേയ്ക്ക് ഇടിച്ചുകയറി. അപകടത്തിൽ രണ്ടുപേർ മരിച്ചു. ലോറിയിൽ ഉണ്ടായിരുന്ന ആന്ധ്ര നെല്ലൂർ സ്വദേശികളാണ് മരിച്ചത്. ഡ്രൈവർ ഉറങ്ങിപ്പോയതിനാലാണ് വാഹനം നിയന്ത്രണം വിട്ട് അപകടത്തിന് കാരണമായതെന്നാണ് പോലീസ് നിഗമനം.
ഇന്ന് പുലർച്ചെ 1.50 നായിരുന്നു അപകടം. അപകടത്തില്‍ കണ്ടെയ്നര്‍ ലോറിയുടെ എഞ്ചിൻ ക്യാബിൻ പൂര്‍ണമായും തകര്‍ന്നു. അപകടത്തിന് പിന്നാലെ പുലര്‍ച്ചെ നാല് മണിയോടെ വിമാനത്താവള പരിസരത്ത് നിന്നും വന്ന ഒരു കാർ അപകടത്തിൽ പെട്ട ലോറി കാണാൻ പെട്ടെന്ന് നിർത്തിയപ്പോൾ പിന്നിൽ മറ്റൊരു കാറിടിച്ചും അപകടമുണ്ടായി. ഈ അപകടത്തിൽ ഒരാൾക്ക് നിസാര പരിക്കേറ്റു
