കോഴിക്കോട്: വടകരയിൽ ശുചീകരണ ജോലിക്കിടെ വയോധികയുടെ കാൽ ഇരുമ്പ് കൈവരികൾക്കിടയിൽ കുടുങ്ങി അപകടം. ഒഞ്ചിയം സ്വദേശിനി ചന്ദ്രിയാണ് ( 72 ) വടകരയിലെ സ്വകാര്യ കെട്ടിടത്തിന്റെ രണ്ടാം നിലയിൽ ശുചീകരണ ജോലിക്കിടെ കുടുങ്ങിയത്. 2 മണിക്കൂർ നേരം കെട്ടിടത്തിൽ കുടുങ്ങിയ വയോധികയെ സമീപത്തെ വ്യാപാരികളാണ് കണ്ടത്. ഇവർ അഗ്നിരക്ഷാ സേനയെ വിവരമറിയിച്ചു. തുടർന്ന് ഹൈഡ്രോളിക് കട്ടർ ഉപയോഗിച്ച് കൈവരികൾ മുറിച്ച് ഇവരെ രക്ഷിക്കുകയായിരുന്നു. ഇവർക്ക് കാര്യമായ പരിക്കുകളില്ല.
