തിരുവനന്തപുരം: കാട്ടാക്കടയിൽ വിവാഹ സൽക്കാരത്തിനിടെ മദ്യപിക്കുമ്പോൾ ഉണ്ടായ തർക്കത്തിൽ യുവാവിന് കുത്തേറ്റു. അജീർ എന്ന യുവാവിനാണ് കുത്തേറ്റത്. മദ്യപിക്കുന്നതിനിടെയുണ്ടായ തർക്കമാണ് ആക്രമണത്തിൽ കലാശിച്ചത്. മദ്യപിക്കുന്നതിനെയുണ്ടായ തർക്കത്തെ തുടർന്ന് കണ്ണൻ എന്ന കിരൺ ആണ് അജീറിനെ ബിയർ കുപ്പിക്കൊണ്ട് കുത്തി പരിക്കേൽപ്പിച്ചത്. അജീറിൻ്റെ കഴുത്തിന് ആഴത്തിൽ മുറിവേറ്റിട്ടുണ്ട്. നിലവിൽ അജീർ മെഡിക്കൽ കോളേജ് ആശുപത്രിയിൽ ചികിത്സയിലാണ്.
