അരിക്കുളം: പ്ലാസ്റ്റിക് മാലിന്യം ശേഖരിക്കുന്ന ഹരിത കർമ്മ സേനാംഗങ്ങൾക്ക് ചാക്കുകെട്ടിൽ നിന്ന് ലഭിച്ച സ്വർണാഭരണം ഉടമസ്ഥന് തിരികെ നൽകി മാതൃക കാണിച്ചു.അരിക്കുളം ഒറവിങ്കൽ ഇല്ല വിഷ്ണു നമ്പൂതിരിയുടെ വീട്ടിൽ നിന്ന് ശേഖരിച്ച പ്ലാസ്റ്റിക് മാലിന്യങ്ങൾക്കിടയിൽ നിന്നാണ് സ്വർണ ലോക്കറ്റ് ഹരിത കർമ്മ സേനാംഗങ്ങളായ രജിതക്കും സുമതിക്കും ലഭിച്ചത്.സ്വർണാഭരണം ഒറവിങ്കൽ ഇല്ല വിഷ്ണു നമ്പൂതിരിയുടെ കുടുംബാംഗങ്ങളുടെതായിരിക്കാമെന്ന് മനസ്സിലാക്കിയ അവർ ഉടൻ തന്നെ ആഭരണവുമായി ഇല്ലത്ത് എത്തി വിട്ടുടമയെ ഏൽപ്പിച്ചു. ഹരിത കർമ്മ സേനാംഗങ്ങളെ നാട്ടുകാർ അഭിനന്ദിച്ചു
