തിരുവനന്തപുരം: തിരുവനന്തപുരത്ത് വൻ ലഹരിവേട്ട. നഗരത്തിന്റെ വിവിധ ഭാഗങ്ങളിൽ നടത്തിയ പരിശോധനയിൽ 125.397 ഗ്രാം എംഡിഎംഎ പിടികൂടി. മൂന്നു യുവാക്കളെ എക്സൈസ് അറസ്റ്റ് ചെയ്തു.എംഡിഎംഎ കടത്താൻ ഉപയോഗിച്ച രണ്ടു ബൈക്കുകളും ഒരു സ്കൂട്ടറും പിടിച്ചെടുത്തു. ബംഗലൂരുവിൽ നിന്നും എംഡിഎംഎ കടത്തിയ യുവാക്കളാണ് പിടിയിലായത്. നഗരത്തിലെ മയക്കുമരുന്ന് ശൃഖലയിലെ പ്രധാനികളാണ് പിടിയിലായതെന്ന് എക്സൈസ് അറിയിച്ചു.തിരുവനന്തപുരം അരുവിക്കരയിലെ വീട്ടിൽ നിന്നും 14.5 കിലോ കഞ്ചാവും പിടികൂടി. നെടുമങ്ങാട് സ്വദേശി മഹേഷ് പിടിയിലായി. ഇയാൾ വാടകയ്ക്ക് താമസിച്ചിരുന്ന വീട്ടിൽ നിന്നാണ് കഞ്ചാവ് പിടിച്ചെടുത്തത്.
