തിരുവനന്തപുരം: ഓടുന്ന ട്രെയിനില്‍ ലൈംഗികാതിക്രമം. ഇന്ന് രാവിലെ മലബാർ എക്സ്പ്രസില്‍ വച്ചാണ് യുവതിക്ക് അതിക്രമം നേരിട്ടത്
ട്രെയിനിനു അകത്ത് വച്ചു യുവതിയോട് ലൈംഗികാതിക്രമം കാണിക്കുകയായിരുന്നു. ആറ്റിങ്ങല്‍ സ്വദേശി വിജീഷ്, പേട്ട റെയില്‍വേ സ്റ്റേഷനില്‍ പിടിയിലായി. പേട്ട പ്ലാറ്റ്ഫോമില് ഇറങ്ങിയ യുവതിയെ മർദിച്ചെന്നും പരാതി. പൊലീസിനെ അറിയിക്കുമെന്ന് പറഞ്ഞതിനായിരുന്നു റെയില്‍വേ സ്റ്റേഷനില്‍വെച്ച്‌ ക്രൂര മർദനം. ട്രെയിനിലേക്ക് അടിയിലേക്ക് വലിച്ചിടാൻ ശ്രമമുണ്ടായെന്ന് പീഡനം നേരിട്ട പെണ്‍കുട്ടി പറഞ്ഞു.
തിരുവനന്തപുരം ചിറയിൻകീഴില്‍ നിന്ന് പേട്ടയിലേക്ക് യാത്ര ചെയ്യുകയായിരുന്നു യുവതി. ഇതിനിടെയാണ് ലൈംഗികാതിക്രമം ഉണ്ടായത്. ട്രെയിനില്‍ വെച്ച്‌ യുവതി ഇത് പ്രതിരോധിക്കാൻ ശ്രമിച്ചെങ്കിലും ലൈംഗികാതിക്രമവും ലൈംഗിക ചേഷ്ടയും പ്രതി തുടരുകയായിരുന്നു. പേട്ട റെയില്‍വേ സ്റ്റേഷനില്‍ ഇറങ്ങിയപ്പോഴാണ് പ്രതി ക്രൂരമായി മർദിച്ചത്. ഇത് കൂടി പൊലീസില്‍ പറയെടി എന്ന് പറഞ്ഞായിരുന്നു മർദനം. മുഖത്ത് ഇടിക്കുകയും തള്ളി പ്ലാറ്റ്ഫോമില് ഇടുകയുമായിരുന്നു. കാല് പൊക്കി ചവിട്ടാൻ ശ്രമിക്കുന്നതിനിടെ പ്ലാറ്റ്‌ഫോമിലുണ്ടായിരുന്ന മറ്റ് യാത്രക്കാർ ഇടപെടുകയായിരുന്നുവെന്ന് യുവതി പറഞ്ഞു.
