Local

ആറ്റിങ്ങൽ:കഥാകൃത്തും ഡോക്യുമെന്ററി രചയിതാവുമായ സുജേഷ്. ജി യുടെ നോവൽ “നേത്രാവതി എക്സ്പ്രസ് ” പ്രകാശനം ചെയ്തു. കവിയും ഗാനരചയിതാവുമായ രാധാകൃഷ്ണൻ കുന്നുംപുറം പ്രകാശനം നിർവ്വഹിച്ചു.അഡ്വക്കേറ്റ് മധുസൂധനൻ ഏറ്റുവാങ്ങി. ഇംഗ്ലീഷ് അക്കാഡമി ഹാളിൽ നടന്ന ചടങ്ങിൽ ഉദയൻ കലാനികേതൻ അധ്യക്ഷനായി. സുരേഷ്, അനിൽഎന്നിവർ പങ്കെടുത്തു. പ്രഭാത് ബുക്ക് ഹൗസാണ് പുസ്തക പ്രസാധകർ.

കല്ലമ്പലം :കരവാരം വൊക്കേഷണൽ ഹയർ സെക്കന്ററി സ്കൂൾ വാർഷികാഘോഷവും പ്രതിഭാസംഗമവും നടന്നു. കവിയും ഗാനരചയിതാവുമായ രാധാകൃഷ്ണൻ കുന്നുംപുറം ഉദ്‌ഘാടനം നിർവ്വഹിച്ചു. പി.ടി.എ.പ്രസിഡന്റ് മധുസൂദനൻ അധ്യക്ഷനായി.സ്കൂൾ ഓഡിറ്റോറിയത്തിൽ നടന്ന ചടങ്ങിൽ ഗ്രാമപഞ്ചായത്ത് അംഗം വൽസല, സ്കൂൾ പ്രിൻസിപ്പാൾസിന്ധു ബി, ഹെഡ്മിസ്ട്രസ് റീന. ടി. സ്കൂൾ മാനേജർ സുരേഷ്,സ്റ്റാഫ് സെക്രട്ടറിമാരായ പ്രിയദർശിനി, മഞ്ജുഷ, കൺവീനർ അരുൺ കുമാർ തുടങ്ങിയവർ പങ്കെടുത്തു. വിവിധ മൽസര വിജയികൾക്ക് അവാർഡും സർട്ടിഫിക്കറ്റുകളും വിതരണം ചെയ്തു. തുടർന്ന് കുട്ടികളുടെ കലാപപരിപാടികൾ നടന്നു.

വെമ്പായം: തിരുവനന്തപുരം വെമ്പായത്ത് തല ഇലക്ട്രിക് പോസ്റ്റിലിടിച്ച് ഏഴ് വയസ്സുകാരന് ദാരുണാന്ത്യം. മാതാവിനൊപ്പം ഓട്ടോയില്‍ സഞ്ചരിക്കവെയായിരുന്നു അപകടം. വെഞ്ഞാറമൂട് വൈഷ്ണവത്തില്‍ ദീപു- ശാന്തി കൃഷ്ണ ദമ്പതികളുടെ മകന്‍ വൈഷ്ണവാണ് മരിച്ചത്. ഇന്നലെ വൈകുന്നേരം 3 മണിയോടെ വെമ്പായം മൂന്നാനക്കുഴിയില്‍ വച്ചായിരുന്നു അപകടം. സംഭവത്തില്‍ വെഞ്ഞാറമൂട് പോലീസ് കേസ് എടുത്ത് അന്വേഷണം ആരംഭിച്ചു. കുട്ടിയും മാതാവും സഞ്ചരിച്ച ഓട്ടോ മറ്റൊരു വാഹനത്തിന് സൈഡ് കൊടുക്കുന്നതിനിടെയാണ് കുട്ടിയുടെ തല ശക്തിയായി ഇലക്ട്രിക് പോസ്റ്റിലിടിച്ചത്. കുട്ടിയെ ഉടന്‍ തന്നെ തിരുവനന്തപുരം മെഡിക്കല്‍…

കാട്ടാക്കട: കണ്ടല കൊച്ചു പള്ളിക്ക് സമീപം ഉണ്ടായ വാഹനാപകടത്തിൽ ഒരാൾ മരിച്ചു. മൂങ്ങനാട്ട് കിഴക്കേക്കര പുത്തൻവീട്ടിൽ അമ്പിളി സജി(49)യാണ് മരിച്ചത്. നിയന്ത്രണം തെറ്റി വന്ന ഓട്ടോ ബൈക്കിൽ ഇടിച്ച് മറിയുകയായിരുന്നു . ഓട്ടോയിൽ ഉണ്ടായിരുന്ന ശിവകുമാർ, രാജ് എന്നിവരെ ഗുരുതര പരിക്ക് കളോടെ മെഡിക്കൽ കോളേജിൽ പ്രവേശിപ്പിച്ചു. ബൈക്ക് യാത്ര ക്കാരനായിരുന്ന പന്നിയോട് സ്വദേശി ഉണ്ണികൃഷ്ണൻ കാട്ടാക്കടയിലെ സ്വകാര്യ ആശുപത്രിയിൽ ചികിത്സയിലാണ്.

കാട്ടാക്കട : മാറനല്ലൂർ ഗ്രാമപഞ്ചായത്ത് പ്രസിഡന്റ് എ സുരേഷ് കുമാറിനെതിരെ ബിജെപി അംഗങ്ങൾ കൊണ്ടുവന്ന അവിശ്വാസപ്രമേയം പരാജയപ്പെട്ടു. അവിശ്വാസപ്രമേയ ചർച്ചയിൽ ക്വാറം തികയാത്തതിനലാണ് അവിശ്വാസപ്രമേയം പരാജയപ്പെട്ടത്. ഇടതുപക്ഷ ജനാധിപത്യ മുന്നണിയുടെ നേതൃത്വത്തിലുള്ള ഭരണ സമിതിയുടെ വികസന പ്രവർത്തനങ്ങളെ അട്ടിമറിക്കാനാണ് ബി.ജെ.പിയുടെ പരിശ്രമമെന്ന് സി പി ഐ ലോക്കൽ കമ്മിറ്റി സെക്രട്ടറി മുതിയാവിള സുരേഷ് പറഞ്ഞു. വികസന പ്രവർത്തനങ്ങളുമായി ഭരണ സമിതി മുന്നോട്ട് പോകുമെന്നും നുണപ്രചരണങ്ങളെ ജനങ്ങളെ അണിനിരത്തി നേരിടും എന്നും എൽഡിഎഫ് കൺവീനർ തങ്കരാജ് പ്രസ്താവനയിൽ പറഞ്ഞു.

തിരുവനന്തപുരം: കല്ലറ മീതൂർ കോഴിഫാമിലെ കുളത്തിൽ വീണു മരിച്ച യാളെ തിരിച്ചറിഞ്ഞു. മീതൂർ കാട്ടുവിള വീട്ടിൽ സതികുമാർ (52) ആണ് മരിച്ചത് . ഏകദേശം 9 മണിയോടെയാണ് പ്രദേശവാസികൾ കുളത്തിലെ മൃതദേഹം കണ്ടെത്തിയത്. വെഞ്ഞാറമൂട് ഫയർഫോഴ്സ് സ്ഥലത്തെത്തി മൃതദേഹം പുറത്തെടുത്ത് പോസ്റ്റുമോർട്ടത്തിനായി മെഡിക്കൽ കോളേജിലേക്ക് കൊണ്ടുപോയി.