വരുമാനം 64 കോടി, ടൂറില് ഹിറ്റടിച്ച് കെഎസ്ആര്ടിസി; സ്മാര്ട്ടാകാന് ട്രാവല്കാര്ഡും വരുന്നു
തിരുവനന്തപുരം: ടിക്കറ്റ് ഇതര വരുമാനം വര്ധിപ്പിക്കുന്നതുള്പ്പെടെ ലക്ഷ്യമിട്ട് കെഎസ്ആര്ടിസി നടപ്പാക്കിയ വിനോദയാത്ര പദ്ധതി വന് ഹിറ്റ്. കേരളത്തിലെ ഏറ്റവും വലിയ ടൂര് ഓപറേറ്റര് എന്ന നിലയിലേക്ക് വളരുകയാണ് കെഎസ്ആര്ടിസി എന്നാണ് കണക്കുകള് ചൂണ്ടിക്കാട്ടുന്നത്. 2021 നംവബര് മുതല് 2025 ഫെബ്രുവരി വരെ 64.98 കോടി രൂപയാണ് ബജറ്റ് ടൂറിസത്തിലൂടെ കെഎസ്ആര്ടിസി സ്വന്തമാക്കിയത്. കോവിഡിന് പിന്നാലെയാണ് കേരളത്തിന്റെ വിവിധ ഇടങ്ങളിലേക്കും ഊട്ടി, മൈസൂരു തുടങ്ങിയ ഇടങ്ങളിലേക്കും ബജറ്റ് ടൂറിസം പാക്കേജുകളുമായി കെഎസ്ആര്ടിസി രംഗത്തെത്തിയത്. 52 ഇടങ്ങളിലേക്കാണ് നിലവില് കെഎസ്ആര്ടിസി…
