പിവി അന്വര് കോണ്ഗ്രസിലേക്ക്?; ഡല്ഹിയില് കെസി വേണുഗോപാലുമായി കൂടിക്കാഴ്ച
തിരുവനന്തപുരം: ഇടതുപക്ഷത്തോട് ഇടഞ്ഞ നിലമ്പൂര് എംഎല്എ പിവി അന്വര് കോണ്ഗ്രസിലേക്ക് അടുക്കുന്നതായി സൂചന. ഡല്ഹിയില് വച്ച് അന്വര് കോണ്ഗ്രസ് ജനറല് സെക്രട്ടറി കെസി വേണുഗോപാലുമായി ചര്ച്ച നടത്തിയതായാണ് വിവരം. കെപിസിസി അധ്യക്ഷന് കെ സുധാകരന്റെ പിന്തുണയോടെയാണ് അന്വറിന്റെ നീക്കമെന്ന് ഉന്നത വൃത്തങ്ങളെ ഉദ്ധരിച്ചുകൊണ്ടുള്ള റിപ്പോര്ട്ടുകളില് പറയുന്നു. സുധാകരനു പുറമേ മുതിര്ന്ന നേതാവ് രമേശ് ചെന്നിത്തലയ്ക്കും പുതിയ നീക്കങ്ങളില് പങ്കുണ്ടെന്നാണ് അറിയുന്നത്. അതേസമയം സംസ്ഥാനത്തെ മറ്റു നേതാക്കള്ക്ക് ഇക്കാര്യത്തില് സൂചനയൊന്നുമില്ല. അന്വറിന്റെ കോണ്ഗ്രസിലേക്കുള്ള വരവിനെ എതിര്ക്കുന്ന പ്രതിപക്ഷ നേതാവ്…
