കുറ്റിപ്പുറം: റെയിൽവെ സ്റ്റേഷനിൽ പ്ലാറ്റ്ഫോമിലൂടെ സ്കൂട്ടറോടിച്ചു വയോധികൻ. ചൊവ്വാഴ്ച ഉച്ചയോടെയാണ് സ്റ്റേഷന് പുറത്തുള്ള റോഡിലൂടെ കുറ്റിപ്പുറം റെയിൽവേ സ്റ്റേഷൻ ഫ്ലാറ്റ് ഫോമിൽ KL 52 U2933 എന്ന സ്കൂട്ടറുമായാണ് കൗതുകരവും അപകടകരവുമായ ഈ സ്കൂട്ടറോട്ടം നടന്നത്. കുറ്റിപ്പുറം റെയിൽവേ പ്ലേറ്റോമിന്റെ ഒരറ്റം മുതൽ മറ്റേ അറ്റം വരെ സ്കൂട്ടർ ഓടിച്ച് വന്ന് റെയിൽവേ പ്ലാറ്റ്ഫോമിൽ തന്നെ പാർക്ക് ചെയ്ത് ആരെയോ കാത്തു നിൽക്കുന്നയാൾക്കെതിരെ റെയിൽവെ സുരക്ഷാ സേന കേസെടുത്തു. തിരുവേഗപ്പുറ നെടുങ്ങോട്ടൂർ പുല്ലാനിക്കാട് വീട്ടിൽ കുഞ്ഞുമൊയ്തീനെതിരെയാണ് റെയിൽവെ സുരക്ഷാ സേന കേസെടുത്തത്.
അനധികൃതമായി സ്റ്റേഷനിലേക്ക് പ്രവേശിച്ചത് ഉൾപ്പെടെയുള്ള വകുപ്പ് പ്രകാരമാണ് കേസ് എടുത്തിട്ടുള്ളത് ആറുമാസം വരെ തടവ് ശിക്ഷ കിട്ടാവുന്ന കുറ്റമാണ്.
