പത്തനംതിട്ട സിപിഐയിലെ വടംവലിയിൽ എ പി ജയൻ പക്ഷത്തിന് വിജയം; രാജി പി.രാജപ്പൻ പത്തനംതിട്ട ജില്ലാ പഞ്ചായത്ത് പ്രസിഡന്റ്
പത്തനംതിട്ട: ജില്ലാ പഞ്ചായത്ത് പ്രസിഡന്റായി ആനിക്കാട് ഡിവിഷനിൽ നിന്നുള്ള സിപിഐ പ്രതിനിധി രാജി പി. രാജപ്പൻ തെരഞ്ഞെടുക്കപ്പെട്ടു. പള്ളിക്കൽ ഡിവിഷനിൽ നിന്നുള്ള സിപിഐ അംഗം ശ്രീനാദേവി കുഞ്ഞമ്മ പ്രസിഡന്റാകുമെന്നായിരുന്നു ഏവരും കണക്കു കൂട്ടിയിരിക്കുന്നത്. എന്നാൽ, സിപിഐ മുൻ ജില്ലാ സെക്രട്ടറി എ.പി.ജയനെതിരേ ആരോപണമുന്നയിച്ച് പാർട്ടിയിൽ തരംതാഴ് ത്തുന്നതിന് കാരണക്കാരിയായ ശ്രീനാദേവിയെ ജയൻ പക്ഷം വെട്ടുകയായിരുന്നു.പത്തനംതിട്ട ജില്ലാ പഞ്ചായത്തിൽ എൽഡിഎഫിൽ പ്രസിഡൻ്റ്, വൈസ് പ്രസിഡന്റ് പദവികൾ വീതം വച്ചിരുന്നു. അതനുസരിച്ച് ആദ്യ മൂന്നു വർഷം സിപിഎമ്മിലെ ഓമല്ലൂർ ശങ്കരൻ…
