ഇന്ന് മകരവിളക്ക്; ദര്ശനം കാത്ത് തീര്ഥാടക ലക്ഷങ്ങള്
പത്തനംതിട്ട: ഇന്ന് മകരവിളക്ക്. പെന്നമ്പലമേട്ടിൽ തെളിയുന്ന മകരജ്യോതി ദർശിച്ച് പുണ്യം നേടാനായി പതിനായിരങ്ങളാണ് ശബരിമലയിലും പരിസര പ്രദേശങ്ങളിലും കാത്തിരിക്കുന്നത്. ഇന്ന് വൈകിട്ട് ആറുമണിയോടെ സന്നിധാനത്തെത്തുന്ന തിരുവാഭരണം ചാർത്തി ദീപാരാധന നടക്കുന്നതോടെയാണ് പൊന്നമ്പലമേട്ടിൽ മകരവിളക്ക് തെളിയുന്നത്. മകരജ്യോതി ദർശിക്കാൻ സന്നിധാനത്തും പരിസരത്തും ഭക്തജനപ്രവാഹമാണ്. ഭക്തർ മലയിറങ്ങാതെ സന്നിധാനത്ത് തുടരുകയാണ്. ഒന്നര ലക്ഷത്തിൽ അധികം ഭക്തർ മകരവിളക്ക് ദർശനത്തിനായി സന്നിധാനത്ത് മാത്രം ഉണ്ടാകും എന്നാണ് വിലയിരുത്തൽ. ശക്തമായ സുരക്ഷ ക്രമീകരണങ്ങളാണ് ഒരുക്കിയിട്ടുള്ളത്. മകരജ്യോതി ദർശിക്കാൻ 10 വ്യൂ പോയിന്റുകളാണുള്ളത്. അതേസമയം,…
