ആംബുലന്സിന് നല്കാന് 1200 രൂപയില്ല, മകളുടെ മൃതദേഹം സൈക്കിള് റിക്ഷയില് പോസ്റ്റ്മോര്ട്ടത്തിന് എത്തിച്ച് പിതാവ്
ബലാസോര്: സൈക്കിള് റിക്ഷയില് മകളുടെ മൃതദേഹം പോസ്റ്റ്മോര്ട്ടത്തിന് എത്തിച്ച് പിതാവ്. ഒഡീഷയില് നിന്നാണ് നെഞ്ചുലയ്ക്കുന്ന വാര്ത്ത പുറത്തുവരുന്നത്. ആംബുലന്സിന് നല്കാന് വേണ്ട 1200 രൂപ പോലും കയ്യിലില്ലാത്ത സാഹചര്യത്തിലാണ് പിതാവ് മകളുടെ മൃതദേഹം വഹിക്കാന് സൈക്കിള് റിക്ഷയെ ആശ്രയിച്ചത്. ഏഴ് കിലോമീറ്ററോളം അകലെയുള്ള ബാലസോറിലെ ബലിയപാലിലെ കമ്മ്യൂണിറ്റി ഹെല്ത്ത് സെന്ററിലേക്കാണ് 17 വയസ്സുള്ള മകളുടെ മൃതദേഹവുമായി പിതാവ് സൈക്കിള് റിക്ഷയില് സഞ്ചരിച്ചത്. ബലിയാപാല് പൊലീസ് സ്റ്റേഷൻ പരിധിയിലുള്ള ഡ്യൂല ഗ്രാമത്തില് വ്യാഴാഴ്ചയാണ് സംഭവങ്ങള് അരങ്ങേറിയത്. മധു ബിന്ധാനി…
